موٹر سائیکل مینوفیکچررکمپنی نے موٹرسائیکلوں کی قیمت میں اضافہ کردیا ہے۔
حال ہی میں معروف موٹر سائیکل مینوفیکچرر ہُنڈا کی جانب سے ہُنڈا موٹر سائیکل کے مختلف ماڈلز کی قیمت میں 7400 سے لیکر 37 ہزار روپے تک کا اضافہ کیا گیا ہے۔
ہُنڈا کی سی ڈی 70 بائیک 7400 روپے اضافے کے بعد 1 لاکھ 28 ہزار 900 روپے میں فروخت ہوگی جبکہ ہُنڈا سی ڈی 70 ڈریم 8 ہزار روپے اضافے کے بعد 1 لاکھ 37 ہزار 900 روپے میں خریدی جاسکے گی۔
ہُنڈا پرائیڈر 100 پر 9 ہزار بڑھنے کے بعد اب 1 لاکھ 70 ہزار 900 روپے میں فروخت ہوگی۔ ہُنڈا 125 سی جی 9 ہزار روپے اضافے کے بعد 1 لاکھ 94 ہزار 900 روپے میں صارفین خرید سکیں گے جبکہ 11 ہزار 400 روپے اضافے کے بعد ہنڈا سی جی 125 ایس ای کی قیمت 2 لاکھ 30 ہزار 900 روپے مقرر کی گئی ہے۔
ہُنڈا کی سی بی 125 ایف 22 ہزار روپے اضافے کے بعد 3 لاکھ 5 ہزار 900 روپے میں فروخت ہوگی جبکہ 34 ہزار روپے اضافے کیساتھ ہُنڈا سی بی 150 سی سی ایف کی قیمت 3 لاکھ 84 ہزار 900 روپے مقرر کی گئی ہے۔
اسی طرح 37 ہزار روپے اضافے کے بعد ہُنڈا سی بی ایف سلور 150 سی سی کی قیمت 3 لاکھ 87 ہزار 900 روپے کردی گئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News