ایل پی جی انڈسٹریز ایسوسی ایشن کراچی کے چیئرمین عرفان کھوکھر کی جانب سے کل ملک بھر میں ہڑتال کا اعلان کردیا گیا ہے۔
چیئرمین ایل پی جی انڈسٹریز ایسوی ایشن عرفان کھوکھر نے کہا ہے کہ کل تمام ایل پی جی دوکانیں دن 12بجے سے بند رہیں گی۔
عرفان کھوکھر کا کہنا ہے کہ صارفین تک سرکاری قیمت پر گیس کی سپلائی کو یقینی بنایا جائے گا۔ ایل پی جی دوکانوں کے خلاف بے جاہ کارروائیاں بند کی جائیں۔
چیئرمین نے مزید کہا کہ پولیس و سرکاری اہلکاروں کی ایل پی جی کے کاروبار میں برائے راست مداخلت بند کی جائے۔
واضح رہے کہ صارفین کی جیبوں پر اربوں روپے کا ڈاکہ ڈالا جارہا ہے، ایل پی جی کی قیمت میں ایک بار پھر غیر اعلانیہ اضافہ کردیا گیا ہے۔
اس حوالے سے دو روز قبل ایل پی جی ڈسٹری بیوٹرز ایسوسی ایشن کے چیئرمین عرفان کھوکھر نے پریس بریفنگ دیتے ہوئے بتایا تھا کہ گیس مافیا نے ایل پی جی مزید 20 روپے فی کلو مہنگی کر دی، گیس مافیا کی جانب سے قیمت میں روزانہ خود ساختہ اضافہ ہورہا ہے اور سرکاری ادارے خاموش تماشائی بنے ہوئے ہیں۔
انہوں نے کہا کہ منافع خوروں نے ایل پی جی کی قیمت میں 83 روپے فی کلو تک اضافہ کردیا ہے، بڑے شہروں میں ایل پی جی کی قیمت 260روپے فی کلو تک پہنچ گئی ہے۔
چیئرمین ایل پی جی ڈسٹری بیوٹرز نے کہا کہ گھریلو سلنڈر236 روپے اور کمرشل سلنڈر کی قیمت میں 908روپے اضافہ ہوا جبکہ گھریلو سلنڈر 3068 اور کمرشل سلنڈر 11800 روپے ہوگیا۔
انکا مزید کہنا تھا کہ گیس مافیا غریب عوام کو لوٹنے میں مصروف ہے، حکومت بے بس نظر آرہی ہے، وزیر مملکت پیٹرولیم مصدق ملک ایل پی جی انڈسٹری کی تباہی کے ذمہ دار ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News