رواں مالی سال خام مال کی درآمدات میں 31.6 فیصد کمی ریکارڈ

عمر حیات خان

12th Jul, 2023. 10:14 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رواں مالی سال خام مال کی درآمدات میں 31.6 فیصد کمی ریکارڈ

درآمدات پر پابندی لگانے کے اثرات سامنے آ گئے، رواں مالی سال 2023 میں خام مال کی درآمدات میں 31.6 فیصد کمی ریکارڈ کی گئی ہے۔

وزارت تجارت کے ذرائع نے بتایا کہ مالی سال 2022-23 میں خام مال وانٹرمیڈیٹس کی درآمدات 18ارب ڈالرز رہیں جبکہ مالی سال 2021-22 میں خام مال وانٹرمیڈیٹس کی امپورٹس 26 ارب33 کروڑ ڈالرز تھیں۔

ذرائع کے مطابق گزشتہ مالی سال انرجی مصنوعات کی درآمدات میں 28.8 فیصد کمی ہوئی جبکہ مالی سال 2023 میں انرجی پراڈکٹس کی امپورٹس 18ارب 52 کروڑ60 لاکھ ڈالرز رہیں۔

ذرائع وزارت تجارت کا کہنا تھا کہ گزشتہ مالی سال کیپٹل گڈز کی درآمدات میں 41 فیصد کمی ہوئی جبکہ رواں مالی سال2023 میں کیپٹل گڈز کی امپورٹس5 ارب 81کروڑ ڈالرز رہیں۔

یہ بھی پڑھیں: بندرگاہوں پر خام مال کے رُکنے سے صنعت کاروں کو مشکلات کا سامنا

اس کے علاوہ گزشتہ مالی سال کنزیومر گڈز کی درآمدات میں 34.6 فیصد کمی ہوئی اور رواں مالی سال 2023 میں کنزیومر گڈز کی درآمدات 3 ارب15 کروڑ ڈالرز رہیں۔

وزارت تجارت کے ذرائع نے مزید بتایا کہ گزشتہ مالی سال کووڈ ویکسین کی امپورٹس صفر رہی جبکہ مالی سال 2021-22 میں کووڈ ویکسین کی درآمدات 2 ارب 60 کروڑ ڈالرز تھیں۔