کراچی: پاکستان اسٹاک ایکسچینج (پی ایس ایکس) کا بینچ مارک کے ایس ای-100 انڈیکس ساڑھے 6 سال بعد 51 ہزار پوائنٹس کی حد عبور کر گیا۔
تفصیلات کے مطابق ملکی معیشت کے مثبت اشارے ملنے لگے، پاکستانی روپے کی قدر میں بہتری آنے کے بعد پاکستان اسٹاک ایکسچینج میں بھی زبردست تیزی دیکھنے میں آئی۔
کاروبار کے آغاز سے ہی پاکستان اسٹاک مارکیٹ میں 371 پوائنٹس کا اضافہ ہوا جس کی بدولت ساڑھے 6 سال بعد 100 انڈیکس 51 ہزار پوائنٹس کی سطح عبور کر گیا۔
اس حوالے سے مارکیٹ ماہرین کا کہنا تھا کہ ساڑھے 6 سال بعد انڈیکس 51 ہزار کی سطح عبور کرگیا، مئی 2017 کے بعد اسٹاک مارکیٹ یہ سطح عبور کرنے میں کامیاب رہا۔
کاروباری ہفتے کے پہلے دن میں پاکستان اسٹاک مارکیٹ 371 پوائنٹس کے اضافے سے 51 ہزار 103 پر ٹریڈ ہورہی ہے جبکہ جمعہ کے روز 366 پوائنٹس کے اضافے سے مارکیٹ 50,731 پر بند ہوئی۔
یاد رہے کہ 17 اکتوبر کو بھی پاکستان اسٹاک ایکسچینج میں مثبت رجحان دیکھنے کو ملا تھا، جس کی بدولت 100 انڈیکس 6 سال بعد 50 ہزار کی حد کو چھو گیا تھا۔
کاروبار کے دوران ہنڈریڈ انڈیکس میں 286 پوائنٹس کا اضافہ ریکارڈ کیا گیا تھا جس سے انڈیکس 50 ہزار 17 پوائنٹس پر پہنچ گیا تھا۔
اس حوالے سے ماہرین کا کہنا تھا کہ یہ اضافہ بنیادی طور پر زیادہ مستحکم سیاسی صورتحال، مائیکرو اکنامکس میں بہتری، غیر ملکی سرمایہ کاری کے بڑھتے ہوئے مواقع اور دیگر اقتصادی اقدامات کی وجہ سے ہے۔
تجزیہ کار مارکیٹ ماہرین کے مطابق جہاں اسٹاک مارکیٹ اپنے اتار چڑھاؤ کے لیے مشہور ہے، وہیں اسٹاک مارکیٹ کچھ عرصے سے مسلسل مندی کی وجہ سے مشکلات کا شکار تھی، جس کی وجہ سے تاجروں کو مشکلات کا سامنا کرنا پڑا، اس مندی کے نتیجے میں تاجروں کو اربوں روپے کا کافی نقصان بھی ہوا، جس کے باعث قومی معیشت پر منفی اثرات بھی مرتب ہوئے۔
واضح رہے کہ ستمبر میں روپے کی قدر میں 6 فیصد کا اضافہ دیکھا گیا، جس کی وجہ غیر قانونی کرنسی مارکیٹ کے خلاف انتظامیہ کا کریک ڈاؤن تھا، نتیجتاً روپیہ بہترین کارکردگی دکھانے والی کرنسی بن گئی، اس کے بعد 17 اور 18 اکتوبر کو منفی رجحان دیکھا گیا۔
تجزیہ کاروں نے ڈالر کی قدر میں دوبارہ اضافے کے رجحان کو بینکنگ سیکٹر میں آنے والے دنوں میں غیر ملکی ادائیگیوں کے سبب زیادہ طلب سے منسوب کیا۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News