گاڑی مالکان کیلئے بڑی خوشخبری آگئی ہے۔
تفصیلات کے مطابق محکمہ ایکسائز نے گاڑیوں کے رجسٹریشن کارڈ کی فراہمی میں تاخیر سے نمٹنے کیلئے ورچوئل اسمارٹ کارڈ متعارف کروانے کا فیصلہ کرلیا۔
محکمہ ایکسائز کی جانب سے گاڑی مالکان کو فوری طور پرآن لائن اسمارٹ کارڈ فراہم کر دیا جائے گا۔
محکمہ نے فزیکل کارڈز کی پروسیسنگ میں ایک ماہ تک کی ممکنہ تاخیر کو تسلیم کیا، اس کی وجہ ٹینڈرنگ کے عمل میں مسائل ہیں۔
محکمہ نے عوام کو یقین دلایا کہ وہ اس عمل کو تیز کرنے کیلئے کام کر رہا ہے اور بشمول ورچوئل اسمارٹ کارڈ کے متبادل حل تلاش کر رہا ہے، اس سلسلے میں محکمے نے ورچوئل اسمارٹ کارڈ اسکیم کے نفاذ کیلئے منظوری کیلئے صوبائی حکومت کو باضابطہ درخواست جمع کرا دی ہے۔
ورچوئل اسمارٹ کارڈز میں فزیکل کارڈز جیسی تمام معلومات شامل ہوں گی، منظوری کے بعد گاڑیوں کے مالکان رجسٹریشن کے مطلوبہ طریق کار کو مکمل کر کے اپنے ورچوئل اسمارٹ کارڈ آن لائن حاصل کر سکیں گے۔ ان کارڈز کو محکمہ ایکسائز کی آفیشل ویب سائٹ سے باآسانی ڈاؤن لوڈ کیا جا سکتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News