اسلام آباد: غریب عوام کیلئے بری خبر آگئی ہے، سہ ماہی ایڈجسٹمنٹ کے تحت بجلی مزید 1.70 روپے فی یونٹ مہنگی ہونے کا امکان ہے۔
تفصیلات کے مطابق ملک بھر کے بجلی صارفین کو ایک اور جھٹکا دینے کی تیاری کرلی گئی ہے، نیپرا جولائی تا ستمبر 2023 کی ایڈجسٹمنٹ کی درخواست پر آج سماعت کرے گا۔
یکساں ٹیرف کیلئے سہ ماہی ایڈجسٹمنٹ کا اطلاق کے الیکٹرک صارفین پر بھی ہو گا جبکہ بجلی صارفین پر 22 ارب 56 کروڑ روپے کا اضافی بوجھ ڈالنے کی درخواست ہے اور کیپیسٹی چارجز کی مد میں 12 ارب، 12 کروڑ 60 لاکھ روپے وصولی کی درخواست ہے۔
اس کے علاوہ یوزآف سسٹم چارجز کے تحت 10 ارب 24 کروڑ 70 لاکھ روپے وصولی کی درخواست اور آپریشن اینڈ مینٹیننس کی مد میں 4 ارب 61 کروڑ 70 لاکھ وصولی کی درخواست بھی ہے۔
نقصانات کی مد میں 6 ارب 61 کروڑ 70 لاکھ روپے وصول کرنے کی بھی درخواست ہے، تاہم نیپرا درخواست پر سماعت کے بعد قیمت میں اضافے سے متعلق حتمی فیصلہ کرے گا۔
10 نومبر 2023 کو نگران وزیر خزانہ ڈاکٹر شمشاد اختر کی صدارت میں ای سی سی کے ہونے واکے اجلاس میں کے الیکٹرک کیلئے یکساں ٹیرف کے تحت کراچی والوں کیلئے بجلی مہنگی کرنے کی منظوری دی گئی تھی۔
اجلاس میں بتایا گیا تھا کہ صارفین سے 46 پیسے فی یونٹ کی اضافی وصولیاں آئندہ 3ماہ میں کی جائیں گی۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News