گیس سیکٹر کے گردشی قرض سے متعلق نگران حکومت کا بڑا اقدام

ملک سعید اعوان

15th Jan, 2024. 11:13 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گیس سیکٹر کے گردشی قرض سے متعلق نگران حکومت کا بڑا اقدام

اسلام آباد: گیس سیکٹر کا گردشی قرض کم کرنے کیلئے نگران حکومت کی جانب سے بڑا اقدام کیا گیا ہے۔

ذرائع کے مطابق نگران حکومت کی جانب سے گیس سیکٹر کا گردشی قرضہ کم کرنے کیلئے نندی پور اور گدو پاور پلانٹ پی ایس او کو دینے اور ان کی نجکاری منسوخ کرنے کا فیصلہ کیا گیا ہے۔

ذرائع نے بتایا ہے کہ گردشی قرض میں کمی کیلئے دونوں پاور پلانٹس کے شیئرز پی ایس او کو دینے کی تجویز دی گئی ہے، تاہم پاور پلانٹس کے شیئرز پی ایس او کو ملنے سے گیس سیکٹر کا 100 ارب روپے گردشی قرضہ کم ہو گا۔

اس کے علاوہ نندی پور اور گدو پاور پلانٹس سوئی گیس کمپنیوں کے 100 ارب روپے کے نادہندہ ہیں، دونوں پاور پلانٹس کے 100 ارب کے کنٹرولنگ اسٹیک پی ایس او کو دیے جائیں گے۔

یہ بھی پڑھیں: وزارت خزانہ کا گیس سیکٹر کا گردشی قرضہ کم کرنے کا فیصلہ

ذرائع کا کہنا ہے کہ نندی پور پاور اور گدو پاور پلانٹ کو نجکاری فہرست سے نکالنے کا فیصلہ کیا گیا ہے، تاہم پاور پلانٹس کے شیئرز سے وفاقی حکومت سوئی گیس کمپنیوں کے واجبات کلیئر کرائے گی۔

ذرائع نے مزید بتایا کہ پاور پلانٹس کو نجکاری فہرست سے نکالنے کیلئے وزارت توانائی، پیٹرولیم اور نجکاری کمیشن رضامند ہیں جبکہ پاور پلانٹس کو نجکاری فہرست سے نکالنے کیلئے حتمی منظوری وفاقی کابینہ سے مشروط ہے۔