سولر پینل لگوانے کے خواہشمند افراد کیلئے بڑی خوشخبری

ویب ڈیسک

22nd Apr, 2024. 04:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سولر پینل لگوانے کے خواہشمند افراد کیلئے بڑی خوشخبری

سولر پینل لگوانے کے خواہشمند افراد کیلئے بڑی خوشخبری آگئی ہے۔

وزیر اعلیٰ پنجاب مریم نواز کی زیرصدارت خصوصی اجلاس ہوا جس میں 50 ہزار گھرانوں کو ایک کلو واٹ سولر سسٹم دینے کی اصولی منظوری دے دی گئی ہے۔

اجلاس میں وزیراعلیٰ پنجاب مریم نواز نے متعلقہ حکام کو فوری طور پر پائلٹ پراجیکٹ شروع کرنے کی ہدایت کردی ہے۔

دوران اجلاس شرکاء کو ایک کلو واٹ سولر سسٹم سے متعلق ٹیکنیکل امور پر بریفنگ دی گئی اور مختلف گھروں میں ون کے وی سولر سسٹم لگا کر افادیت کا جائزہ لینے کی ہدایت کی گئی۔

اس موقع پر مریم نواز نے کہا کہ روشن پنجاب پروگرام کا مقصد غریب آدمی کو مہنگی بجلی سے نجات دلانا ہے۔ گھریلو صارفین کیلئے سولر سسٹم کا دائرہ کار بتدریج بڑھایا جائے گا۔

پنجاب بھر کے 100 یونٹ تک بجلی خرچ کرنے والے پروٹیکٹڈ صارفین اہل قرار دیے گئے، ون کے وی سسٹم میں 2 سولر پلیٹیں، بیٹری، انورٹر اور تاریں شامل ہیں، ون کے وی سولر سسٹم سے پنکھے، لائٹیں، چھوٹی موٹر چلائی جا سکے گی۔