اسلام آباد: بجلی صارفین پر اربوں روپے کا اضافی بوجھ ڈالنے کی تیاری کرلی گئی ہے۔
سنٹرل پاور پرچیزنگ ایجنسی (سی پی پی اے) نے بجلی کی قیمتوں میں اضافے سے متعلق نیشنل الیکٹرک پاور ریگولیٹری اتھارٹی (نیپرا) میں درخواست دائر کر دی۔
پاور کمپینوں نے ایک ماہ کے لئے بجلی کی فی یونٹ قیمت میں 2 روپے 94 پیسے کا اضافہ مانگ لیا جبکہ بجلی کی قیمتوں میں اضافہ ماہ مارچ کے فیول پرائس ایڈجسٹمنٹ کی مد میں مانگا گیا ہے۔
سی پی پی اے کے مطالبے پر نیپرا نے بجلی کی قیمتوں میں اضافے سے متعلق درخواست پر سماعت 26 اپریل کو مقرر کردی۔
درخواست کے مطابق مارچ میں ہائیڈل سے 27.63 فیصد بجلی پیدا کی گئی، کوئلے سے 10.74 فیصد اور ایل این جی سے 20.67 فیصد پیداوار ہوئی۔
درخواست میں مزید بتایا گیا کہ مارچ میں نیوکلیئر سے 25.79 فیصد بجلی پیدا کی گئی، ونڈ سے 2.55 فیصد، سولر سے 1.37 فیصد بجلی پیدا کی گئی جبکہ مارچ میں بجلی پیداوار پر تقریباً 73 ارب روپے لاگت آئی۔
واضح رہے کہ گزشتہ ماہ بجلی کی قیمتوں میں 4 روپے 92 پیسے فی یونٹ اضافہ کیا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News