یوٹیلیٹی اسٹورز پر چینی کی قیمت میں 5 روپے فی کلو کا مزید اضافہ کردیا گیا ہے۔
ذرائع یو ایس سی کے مطابق یوٹیلیٹی اسٹورز پر چینی کی قیمت 145 روپے سے بڑھا کر 150 روپے فی کلو کردی گئی، حالیہ دنوں میں بھی یوٹیلیٹی اسٹورز پر چینی کی قیمت میں 5 روپے فی کلو اضافہ کیا گیا تھا۔
ذرائع نے بتایا کہ ڈیڑھ ہفتے میں یوٹیلیٹی اسٹورز پر مجموعی طور پر چینی 10 روپے فی کلو مہنگی کی گئی، یوٹیلیٹی اسٹورز پر ڈیڑھ ہفتے قبل چینی کی قیمت 140 روپے فی کلو مقرر تھی۔
ذرائع کا کہنا ہے کہ اوپن مارکیٹ میں قیمتیں مزید بڑھنے کے باعث چینی کی قیمت میں اضافہ کیا، مزید اضافے کے باوجود یوٹیلیٹی اسٹورز پر چینی اوپن مارکیٹ سے سستی ہے۔
واضح رہے کہ وفاقی حکومت نے اگست 2024 میں چینی سمیت 5 بنیادی اشیاء پر سبسڈی روک دی تھی۔
