ایشیائی ترقیاتی بینک نے پاکستان کی معیشت سے متعلق رپورٹ جاری کر دی ہے جس کے مطابق پاکستان کی جی ڈی پی گروتھ 2025 کیلئے 3.0 کر دی گئی ہے۔
رپورٹ میں بتایا گیا کہ گزشتہ مالی سال کی آخری سہ ماہی میں گروتھ ریٹ 5.7 فیصد ریکارڈ کیا گیا، اور بڑی صنعتوں کی پیداوار میں تیزی آئی، جبکہ رواں مالی سال میں بھی مضبوط بہتری متوقع ہے۔
رپورٹ کے مطابق 2025-26 کی گروتھ میں بھی بہتری ریکارڈ اور کاروباری ماحول سازگار قرار دیا گیا ہے، جبکہ جون 2025 کے سیلاب کے باوجود معاشی رفتار برقرار رہی، پرائیویٹ سیکٹر کریڈٹ اور کھپت میں اضافہ گروتھ کا باعث بنا۔
یہ بھی پڑھیں: ایشیائی ترقیاتی بینک کا پاکستان کیلئے 33 کروڑ ڈالر قرضہ منظور
اے ڈی بی کی رپورٹ میں بتایا گیا کہ سرمایہ کاری اور انڈسٹری میں ریکوری سے ترقی کا رجحان جاری ہے، تاہم بیرونی طلب کمزور ہونے کے ساتھ تجارت میں غیر یقینی صورتحال برقرار ہے۔
ایشیائی ترقیاتی بینک کی جاری کردہ رپورٹ کے مطابق پاکستان کی جی ڈی پی گروتھ 2025 کیلئے 2.7 فیصد سے بڑھا کر 3.0 کر دی گئی ہے۔