اسلام آباد: حکومت نے گیس سیکٹر کا گردشی قرضہ ختم کرنے کے لیے پیٹرولیم مصنوعات پر مزید 5 روپے پی ڈی ایل بڑھانے کی تیاری کر لی ہے۔

ذرائع کے مطابق گیس سیکٹر کے گردشی قرضے 3180 ارب میں سے 17 سو ارب روپے کی سیٹلمنٹ کرنے کا پلان تیار کیا گیا ہے، 14 سو ارب روپے نان ریکوری، لائن لاسز، ٹیرف ڈیفرینشل، 3 سو ارب روپے ٹیکس اور سود کے شامل ہیں۔

پلان میں شامل کیا گیا کہ گیس سیکٹر کا گردشی قرضہ آئندہ 6 برسوں کے دوران ختم کر دیا جائے گا، تجاویز میں شامل ہے کہ پیٹرولیم مصنوعات پر مزید 5 روپے پیٹرولیم ڈولپمنٹ لیوی بڑھا دی جائے۔

ذرائع نے بتایا ہے کہ گیس کمپنیوں سے ملنے والے ڈیویڈنڈ کو واپس منتقلی سے گردشی قرضہ ختم کرنے کیلئے اسیٹل کیا جائے، پیٹرولیم مصنوعات پر 5 روپے اضافی پی ڈی ایل عائد کرنے سے ساڑھے 5 سو ارب روپے وصول ہوں گے، ڈیویڈنڈ اور اضافی ٹیرف لگا کر تقریباً 7 سو ارب روپے گردشی قرضہ کیلئے ایڈجسٹ کیے جائیں گے۔

ذرائع کے مطابق پلان میں شامل ہے کہ ایل این جی کارگوز میں کمی لا کر 5 سو ارب روپے کے لگ بھگ بچت کی جائے گی، تاہم گیس سیکٹر گردشی قرضہ ختم کرنے کیلئے پلان کی وزیراعظم آفس اور وزارت خزانہ سے منظوری لی جائے گی۔