ایف بی آر  نے ڈیٹا ٹرانسفر کے لیے یو ایس بی، فلیش ڈرائیو، میموری کارڈ کے لیے نئی پرائس ویلیوایشن کرکے کسٹمز ڈیوٹی عائد کر دی، جس کا نوٹیفیکیشن جاری کر دیا گیا ہے۔

جاری کردہ دستاویز کے مطابق چین سے درآمدی 16 جی بی کی یو ایس بی پر کسٹمز ڈیوٹی 0.78 ڈالر کے حساب سے عائد ہوگی، جبکہ چین کے علاوہ دیگر ملک سے درآمدی 16 جی بی یو ایس بی پر کسٹمز ڈیوٹی  1 ڈالر کے حساب سے عائد ہو گی۔

اسی طرح چینی امپورٹڈ 32 جی بی کی یو ایس بی پر کسٹمز ڈیوٹی 0.87 ڈالر، جبکہ دیگر ممالک کی 32 جی بی یو ایس بی پر کسٹمز ڈیوٹی 1.13 ڈالر کے حساب سے عائد ہو گی۔

دستاویز میں بتایا گیا کہ چین سے امپورٹڈ 64 جی بی کی یو ایس بی پر کسٹمز ڈیوٹی 1.17 ڈالر، جبکہ دیگر ممالک سے  امپورٹڈ پر 1.52 ڈالر عائد کی جائے گی۔

یہ بھی پڑھیں: یو ایس بی موبائل کے چارجر میں لگانے سے کیا ہوتا ہے؟ جانیئے

چین سے امپورٹڈ 128 جی بی کی یو ایس بی پر کسٹمز ڈیوٹی 2.60 ڈالر، جبکہ دیگر ممالک سے  امپورٹڈ پر 3.38 ڈالر عائد ہو سکے گی۔

ایف بی آر کے مطابق چین کے علاوہ دیگر ممالک سے امپورٹڈ 256 جی بی یو ایس بی پر کسٹمز ڈیوٹی 3.88 ڈالر عائد ہو گی، جبکہ چین سے امپورٹڈ 512 جی بی کی یو ایس بی پر کسٹمز ڈیوٹی 3.99 ڈالر، جبکہ دیگر ممالک سے امپورٹڈ پر 5.18 ڈالر عائد ہو گی۔

چین سے امپورٹڈ ون ٹیرا بائٹ یو ایس بی پر کسٹمز ڈیوٹی  7.64 ڈالر، جبکہ دیگر ممالک سے امپورٹڈ پر9.93 ڈالر ہو گی۔

دستاویز میں بتایا گیا کہ چین سے امپورٹڈ 2 ٹی بی کی یو ایس بی پر کسٹمز ڈیوٹی 14.76 ڈالر، جبکہ دیگر ممالک سے امپورٹڈ پر 19.18 ڈالر عائد ہو گی۔