اسلام آباد: آئل اینڈ گیس ریگولیٹری اتھارٹی (اوگرا) نے فروری کے لیے ایل این جی کی نئی قیمتوں کا نوٹیفکیشن جاری کردیا ہے جس کے تحت قیمتوں میں 0.59 فیصد تک اضافہ کیا گیا ہے۔
نوٹیفکیشن کے مطابق سوئی ناردرن کے سسٹم پر ایل این جی کی قیمت میں 0.06 ڈالر فی ایم ایم بی ٹی یو اضافہ کیا گیا ہ، جس کے بعد نئی قیمت 11.33 ڈالر فی ایم ایم بی ٹی یو مقرر کردی گئی ہے۔
اسی طرح سوئی سدرن کے سسٹم پر بھی ایل این جی 0.06 ڈالر فی ایم ایم بی ٹی یو مہنگی کی گئی ہے اور نئی قیمت 10.27 ڈالر فی ایم ایم بی ٹی یو مقرر کی گئی ہے۔
اوگرا کا کہنا ہے کہ ایل این جی کی قیمتوں میں اضافہ ٹرمینلز چارجز میں اضافے کے باعث کیا گیا ہے۔ نئی قیمتوں کا اطلاق فروری کے مہینے سے ہوگا۔
