محمد اورنگزیب کی زیر صدارت اقتصادی رابطہ کمیٹی (ای سی سی) کے اہم اجلاس میں گندم کے ذخائر اور ترقیاتی فنڈز سے متعلق متعدد فیصلوں کی منظوری دے دی گئی۔
اعلامیے کے مطابق حکومت نے پاکستان زرعی ذخیرہ و خدمات کارپوریشن پاکستان زرعی ذخیرہ و خدمات کارپوریشن کے 5 لاکھ میٹرک ٹن گندم ذخیرے کو فروخت کرنے کا فیصلہ کیا ہے۔ گندم کی فروخت مسابقتی بولی کے ذریعے فرسٹ اِن فرسٹ آؤٹ بنیاد پر کی جائے گی تاکہ ذخیرہ لاگت میں کمی لائی جا سکے۔
اجلاس میں مقامی گندم کی نئی ریزرو قیمت 4,150 روپے فی 40 کلو جبکہ درآمدی گندم کی ریزرو قیمت 3,800 روپے فی 40 کلو مقرر کرنے کی منظوری بھی دی گئی۔ ساتھ ہی پاسکو کے گندم اسٹاک کی نیلامی کی اجازت دے دی گئی۔
اقتصادی رابطہ کمیٹی نے سابقہ پاک پی ڈبلیو ڈی منصوبوں کے لیے 53 کروڑ 60 لاکھ روپے کی تکنیکی ضمنی گرانٹ کی منظوری بھی دی، جس کے تحت پنجاب اور خیبرپختونخوا میں جاری ترقیاتی منصوبوں کو فنڈز منتقل کیے جائیں گے۔
اعلامیے کے مطابق سی اینرجیکو کے پیٹرولیم لیوی واجبات سے متعلق رپورٹ کو مزید جائزے کے لیے مؤخر کر دیا گیا۔
