ملک کے زرمبادلہ ذخائر میں معمولی اضافہ ریکارڈ کیا گیا ہے جس کے بعد مجموعی ذخائر 2 کروڑ 62 لاکھ ڈالر بڑھ کر 21 ارب 43 کروڑ 39 لاکھ ڈالر تک جا پہنچے ہیں۔
اسٹیٹ بینک کی جانب سے جاری اعداد و شمار کے مطابق مرکزی بینک کے ذخائر میں 8 کروڑ 71 لاکھ ڈالر کا اضافہ ہوا جس کے بعد اسٹیٹ بینک کے پاس موجود ذخائر 16 ارب 30 کروڑ ڈالر ہو گئے ہیں۔
دوسری جانب کمرشل بینکوں کے زرمبادلہ ذخائر میں 6 کروڑ 9 لاکھ ڈالر کی کمی ریکارڈ کی گئی ہے جس کے بعد کمرشل بینکوں کے پاس موجود ذخائر 5 ارب 13 کروڑ 39 لاکھ ڈالر رہ گئے ہیں۔
