لاہور کے علامہ اقبال انٹرنیشنل ایئرپورٹ سمیت ملک بھر کے 8 ائیرپورٹس سے بیرون ملک جانے والی 101 پروازیں منسوخ کر دی گئی ہیں۔
ائیرپورٹ ذرائع کے مطابق منسوخ کی گئی پروازوں میں ابو ظہبی، بحرین، شارجہ، کویت، قطر، ایران، عراق، آذربائیجان اور دوبئی شامل ہیں۔
مزید پڑھیں: اسلام آباد ایئرپورٹ پر فلائٹ آپریشن عارضی طور پر معطل
ذرائع کا کہنا ہے کہ مشرق وسطیٰ میں اچانک جنگ کی شدت کے بعد صورتحال بگڑ گئی ہے، جس کی وجہ سے ملکی اور غیر ملکی ائیر لائنز نے مسافروں کو ہدایت کی ہے کہ وہ ائیرپورٹ آنے سے قبل مکمل معلومات حاصل کر لیں۔
لاہور کے علاوہ کراچی، اسلام آباد، پشاور، کوئٹہ، فیصل آباد، ملتان اور سیالکوٹ کے مسافروں کو بھی ائیرپورٹس پر پہنچنے کے بعد واپس گھروں کو جانا پڑا۔
ائیرپورٹ ذرائع کے مطابق عرب امارات کے لیے خصوصی پروازیں بھی ایک بار پھر معطل ہو گئی ہیں۔
