پاکستان میں ڈیزل اور جیٹ فیول کی سپلائی کو برقرار رکھنے کے لیے کویت سے آئل کی آمد بحال کر دی گئی ہے۔

ذرائع کے مطابق، ایئرلائنز کو جیٹ فیول کی فراہمی کے باعث ہوائی سفر کرنے والے شہریوں کو اضافی کرایہ نہیں دینا پڑے گا۔

ایران نے پاکستانی آئل کارگو کے لیے محفوظ راستہ فراہم کیا ہے، جس کے ذریعے اب تک محدود تعداد میں کارگو گزر چکی ہے۔ ذرائع کا کہنا ہے کہ مرحلہ وار 20 ٹینکر آنے کا امکان ہے، جبکہ روزانہ کی بنیاد پر 1 سے 2 ٹینکر بھی آ سکتے ہیں۔

کویت کے ساتھ موجودہ 50 سالہ سپلائی معاہدہ فعال ہے، تاہم نیا معاہدہ نہیں ہوا۔ پاکستان سعودی عرب سے ماہانہ 3–5 کارگو اور یو اے ای سے 2–4 کارگو طلب کرتا رہا ہے۔

سپلائی کی بحالی سے بجلی، ڈیزل اور ٹرانسپورٹ میں کمی کے خدشات کم ہو گئے ہیں اور عوامی ضروریات متاثر نہیں ہوں گی۔

ذرائع نے مزید کہا کہ توانائی اور ایوی ایشن شعبے میں ضروری اصلاحات کے ساتھ قیمتیں مستحکم رہنے کا امکان ہے۔