وکلا ہڑتال پر

عمر اللہ حسینی

26th Aug, 2019. 06:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وکلا ہڑتال پر

پاکستان بار کونسل کی کال پر وکلا کی جانب سے ملک گیر ہڑتال جاری ہے۔

تفصیلات کے مطابق اعلی عدلیہ کے ججز کے خلاف ریفرنس بنانے اور سینئیر وکیل امجد شاہ کے خلاف توہین عدالت کا نوٹس بھیجنے پر وکلا برادری کی جانب سے آج ملک گیر ہڑتال کی گئی،پاکستان بار کی کال پر سندھ ہائی کورٹ بار کی جانب سے عدالتی امور کا مکمل بائیکاٹ کیا گیا۔

اس موقع پر سندھ ہائی کورٹ اور ماتحت عدالتوں میں وکلا پیش نہیں ہوئے جبکہ وکل رہنماؤں کی جانب سے سندھ ہائی کورٹ کے مرکزی دروازے پر دھرنا دیا اور سخت نعرے بازی کی گئی۔

اس موقع پر سندھ ہائی کورٹ بار کے صدر محمد عاقل کا میڈیا سے گفتگو کرتے ہوئے کہنا تھا کہ جوڈیشل کمیشن نے تین ججز کو مستقل کرنے کے خلاف بار نے احتجاج کیا تھا،جس پر سینئر وکیل امجد شاہ کو توہین عدالت کا نوٹس بھیجا گیاہم اس طرز عمل کی سخت مذمت کرتے ہیں۔

سراپا احتجاج وکلا نے مطالبہ کیا ہے کہ ججز کے خلاف ریفرنس فوری طور پر واپس لیا جائے، جس کے باعث آج پاکستان میں عدالتی امور کا بائیکاٹ کیا گیا ہے، ہڑتالی وکلا کا کہنا تھا کہ بار ہمیشہ اپنے تحفظات کا اظہار کرتا رہا ہے اور کرتا رہے گا۔