سانحہ بلدیہ ٹاون فیکٹری کیس میں اہم پیشرفت

ثمرا مظہر

03rd Aug, 2019. 10:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سانحہ بلدیہ ٹاون فیکٹری کیس میں اہم پیشرفت

انسداد دہشتگردی کی خصوصی عدالت (اے ٹی سی) میں سانحہ بلدیہ ٹاون فیکٹری کیس میں اہم پیشرفت سامنے آگئی، بلدیہ ٹاون فیکٹری مالکان کےویڈیوبیان ریکارڈکرنےکےلیئےانتظامات مکمل کرلیئےگئے۔

تفصیلات کے مطابق عدالت نےفیکٹری مالکان کا ویڈیو بیان ریکارڈ کرنے کے لیئے 21 اگست کی تاریخ مختص کردی۔

کمرہ عدالت میں ایم کیو ایم رہنما رؤف صدیقی سمیت دیگر پیش ہوئے۔ جیل حکام کی جانب سےملزمان رحمان بھولا اور زبیر چریا کو پیش کیاگیاجبکہ مقدمے کےپراسیکیوٹر ساجد محبوب شیخ اور تفتیشی افسر راجا جہانگیر بھی عدالت میں پیش ہوئے۔

گذشتہ سماعت پرایس ایس پی ساجد سدوزئی نےعدالت میں مقدمے کی اصل جے آئی ٹی جمع کروائی تھی۔مقدمے میں بھائیلہ برداران کے ویڈیو بیان کے بعد ایس ایس پی ساجد سدوزئی کا بیان قلمبند کیا جائیگا۔

اے ٹی سی میں سانحہ بلدیہ ٹاون کیس کی سماعت 21 اگست تک ملتوی کردی گئی۔ بلدیہ فیکٹری آتشزدگی میں 250 سےزائد افراد جاں بحق ہوئے تھے۔