منی لانڈرنگ کیس؛ شہبازشریف اورحمزہ شہبازکی بریت کی درخواست پرفیصلہ محفوظ
وزیر اعظم محمد شہباز شریف اور حمزہ شہباز نے منی لانڈرنگ ریفرنس میں بریت کی درخواستیں دائر کردیں۔
تفصیلات کے مطابق احتساب عدالت کے جج قمر الزمان نے شہباز شریف اور حمزہ شہباز کے خلاف منی لانڈرنگ اور آمدن سے زائد اثاثہ جات ریفرنس کی سماعت کی۔
احتساب عدالت لاہور میں منی لانڈرنگ ریفرنس سے بریت کی درخواست وزیراعظم شہباز شریف اور ان کے صاحبزادے حمزہ شہباز کی جانب سے امجد پرویز ایڈووکیٹ نے دائر کی۔
Advertisement
یہ بھی پڑھیں: منی لانڈرنگ ریفرنس، سلیمان شہباز کی عبوری ضمانت منظور
درخواست میں مؤقف اختیار کیا گیا ہے کہ نیب نے منی لانڈرنگ کا جھوٹا اور من گھڑت ریفرنس بنایا، اثاثہ جات قانون کے مطابق ہیں جو ایف بی آر اور الیکشن کمیشن میں ڈکلیئر کیے گئے ہیں۔
درخواست میں کہا گیا کہ نیب کے پاس کسی قسم کے کوئی ثبوت نہیں ہیں، شہباز شریف اور حمزہ شہباز کے خلاف کیس ثابت ہونے کا کوئی امکان نہیں ہے۔
Advertisement
درخواست میں احتساب عدالت سے استدعا کی گئی کہ وزیر اعظم شہباز شریف اور حمزہ شہباز کو ریفرنس سے بری کیا جائے۔
احتساب عدالت کے جج قمر الزماں نے درخواستوں پر سماعت ملتوی کرتے ہوئے نیب کو 19 جولائی کے لئے نوٹس جاری کردیے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
