نوازشریف،آصف زرداری اوریوسف گیلانی کیخلاف نیب ریفرنس؛سماعت بغیرکارروائی ملتوی

نوازشریف، آصف زرداری اور یوسف گیلانی کیخلاف نیب ریفرنس؛ سماعت بغیر کارروائی ملتوی

ویب ڈیسک

04th Jan, 2024. 10:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نوازشریف، آصف زرداری اور یوسف گیلانی کیخلاف نیب ریفرنس؛ سماعت بغیر کارروائی ملتوی

اسلام آباد: احتساب عدالت نے سابق صد آصف علی زرداری، سابق وزرائے اعظم نواز شریف اور یوسف رضا گیلانی سمیت دیگر ملزمان کے خلاف توشہ خانہ سے قیمتی گاڑیاں اور تحائف وصول کرنے سے متعلق ریفرنس پر سماعت بغیر کارروائی ملتوی کردی۔

تفصیلات کے مطابق آصف علی زرداری، نواز شریف اور یوسف رضا گیلانی اور دیگر کے خلاف احتساب عدالت کے جج محمد بشیر کی عدم دستیابی کے باعث سماعت ملتوی کی گئی۔

نواز شریف کی جانب سے ان کے پلیڈر رانا عرفان عدالت میں پیش ہوئے جبکہ آصف علی زرداری اور یوسف رضا گیلانی کی جانب سے حاضری سے استثنیٰ کی درخواست دائر کی گئی۔

نیب پراسیکیوٹر سہیل عارف عدالت کے روبرو پیش ہوئے جبکہ نیب کی جانب سے اسپلیمنٹری ریفرنس آج بھی عدالت پیش نہ کیا جاسکا۔

قیمتی گاڑیاں اور تحائف وصول کرنے سے متعلق ریفرنس میں نواز شریف شامل تفتیش ہوچکے تھے، تاہم عدالت نے کیس کی سماعت 15 جنوری تک ملتوی کر دی۔