سانحہ 9 مئی، سپریم کورٹ سے ضمانت حاصل کرنے والے 5 ملزمان دوبارہ گرفتار

ویب ڈیسک

28th Mar, 2024. 09:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سانحہ 9 مئی، سپریم کورٹ سے ضمانت حاصل کرنے والے 5 ملزمان دوبارہ گرفتار

راولپنڈی: سانحہ 9 مئی کے مقدمے میں سپریم کورٹ سے ضمانت حاصل کرنے والے 5 ملزمان کو دوبارہ گرفتار کرلیا گیا ہے۔

سپریم کورٹ سے ضمانت حاصل کرنے والے پانچوں ملزمان کو راولپنڈی سے 16 ایم پی او احکامات کے تحت گرفتار کیا گیا، تاہم 16 ایم پی او احکامات ڈپٹی کمشنر راولپنڈی نے جاری کیے۔

واضح رہے کہ پانچوں ملزمان کے خلاف تھانہ نیو ٹاؤن میں نو مئی کا مقدمہ درج ہے، تاہم ملزمان کو سپریم کورٹ سے ضمانت ملنے کے بعد گزشتہ رات اڈیالہ جیل سے رہا کیا گیا تھا۔

سپریم کورٹ نے 20 مارچ کو ملزمان کی ضمانت منظور کی تھی جبکہ انسداد دہشت گردی عدالت میں مچلکے جمع کرانے کے بعد ملزمان کو رہا کیا گیا تھا، رہائی کے فوراً بعد ایاز عباسی اور سیف اللہ سمیت دیگر ملزمان کو دوبارہ حراست میں لیا گیا۔

مزید پڑھیں: سپریم کورٹ نے سانحہ نو مئی کے پانچ ملزمان کی ضمانتیں منظور کر لیں

سپریم کورٹ نے 5 جبکہ انسداد دہشتگردی عدالت نے گزشتہ روز 19 ملزمان کی ضمانت منظور کی تھی۔

یاد رہے کہ ملزمان پر نو اور دس کی درمیانی شب فوجی مرکز حمزہ کیمپ راولپنڈی میں حملہ اور توڑ پھوڑ کا الزام ہے۔