اسلام آباد ہائی کورٹ نے تحریک انصاف کے رہنما اور سابق وفاقی وزیر بابر اعوان کا نام ایگزٹ کنٹرول لسٹ (ای سی ایل) سے نکالنے کا حکم دے دیا۔
اسلام آباد ہائیکورٹ کی جسٹس ثمن رفعت امتیاز نے سینیئر قانون دان بابر اعوان کا نام ای سی ایل سے نکالنے کیلئے دائر درخواست پر سماعت کی۔
درخواست گزار بابر اعوان کی جانب سے وکیل صدر ہائیکورٹ بار ریاست علی آزاد عدالت میں پیش ہوئے۔
وکیل نے عدالت میں استدعا کی کہ درخواست گزار کا نام ای سی ایل میں ڈال دیا گیا، نام ای سی ایل سے نکالنے کا حکم دیا جائے۔
عدالت نے بابر اعوان کا نام ای سی ایل سے نکالنے کا حکم دیتے ہوئے درخواست نمٹا دی۔
واضح رہے کہ 28 مارچ کو وفاقی کابینہ نے بھی بابر اعوان کا نام ای سی ایل سے نکالنے کی منظوری دی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News