پشاور ہائی کورٹ نے الیکشن کمیشن کی جانب سے وزیراعلیٰ خیبرپختونخوا علی امین گنڈاپور کو طلب کرنے کا نوٹس معطل کر دیا۔
پشاور ہائی کورٹ کے جسٹس ایس ایم عتیق شاہ اور جسٹس شکیل احمد پر مشتمل دو رکنی بنچ نے الیکشن کمیشن نوٹس کے خلاف وزیراعلیٰ خیبرپختونخوا علی امین گنڈاپور کی درخواست پر سماعت کی۔
وزیراعلیٰ علی امین گنڈپور کے وکیل سید سکندر حیات شاہ اور ملک سمیع اللہ ایڈوکیٹ عدالت میں پیش ہوئے۔
سماعت کے آغاز پر وکیل درخواست گزار سید سکندر حیات شاہ ایڈوکیٹ نے دلائل دیے کہ الیکشن کمیشن نے علی امین گنڈاپور کو نوٹس جاری کرتے ہوئے آج پیش ہونے کی ہدایت کی ہے، الیکشن کمیشن نے 2022/23 گوشواروں کی وضاحت کے لئے نوٹس جاری کیا ہے، یہ پچھلے سالوں کی گوشواروں کی وضاحت مانگ رہی ہے، یہ اختیار ان کو نہیں ہے۔
وکیل سکندر حیات شاہ ایڈوکیٹ نے عدالت کو بتایا کہ 2024 کے گوشوارے میں انہوں نے اثاثہ جات کی وضاحت دی ہے، ریٹرننگ افسر نے کاغذات نامزدگی اسکروٹنی کے وقت اثاثہ جات کی باریک بینی سے جانچ پڑتال کی تھی، یہ سب چیزیں الیکشن کمیشن کے ویب سائٹ پر موجود ہے۔
عدالت نے وزیراعلیٰ خیبرپختونخوا کے طلبی کا نوٹس معطل کر دیا اور الیکشن کمیشن کو نوٹس جاری کرتے ہوئے جواب طلب کر لیا۔
بعدازاں پشاور ہائی کورٹ نے کیس کی مزید سماعت 22 مئی تک ملتوی کردی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News