اسلام آباد ہائی کورٹ کے جسٹس میاں گل حسن اورنگزیب نے کہا ہے کہ بشریٰ بی بی کے ساتھ کچھ غلط نہیں ہوا، درخواست نمٹا رہے ہیں۔
اسلام آباد ہائیکورٹ کے جسٹس میاں گل حسن اورنگزیب نے بشریٰ بی بی کو زہر دیے جانے کے خدشے کے باعث میڈیکل چیک اپ کی درخواست پر سماعت کی۔
جسٹس میاں گل حسن اورنگزیب نے استفسار کیا کہ کیا بشریٰ بی بی کے ٹیسٹ کر لیے گئے ہیں؟ جس پر اسٹیٹ کونسل عبدالرحمن نے جواب دیا کہ بشریٰ بی بی کے شفاء اسپتال سے ٹیسٹ کرائے گئے ہیں، ڈاکٹر عاصم یوسف کی نگرانی میں بشریٰ بی بی کے ٹیسٹ کرائے گئے ہیں، اسٹیٹ کونسل
جسٹس میاں گل حسن اورنگزیب نے استفسار کیا کہ کیا بشریٰ بی بی ٹھیک ہیں؟ اسٹیٹ کونسل عبدالرحمن نے جواب دیتے ہوئے کہا کہ جی، وہ بالکل ٹھیک ہیں۔
اسلام آباد ہائیکورٹ کے جسٹس گل حسن نے اسٹیٹ کونسل سے سوال کیا کہ زہر سے متعلق کیا ہے؟ جس پر انہوں نے بتایا کہ زہر کے کوئی اثرات نہیں پائے گئے۔
وکیل نے عدالت کو بتایا کہ بشریٰ بی بی خود عدالت میں پیش ہو کر بریف کرنا چاہتی ہیں۔
جسٹس میاں گل حسن اورنگزیب نے ریمارکس دیے کہ بشریٰ بی بی کے ساتھ کچھ غلط نہیں ہوا، درخواست نمٹا رہے ہیں۔
عدالت نے بشریٰ بی بی کو زہر دیے جانے کے خدشے کے باعث میڈیکل چیک اپ کی درخواست نمٹا دی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News