سرگودھا: انسداد دہشت گردی خصوصی عدالت نے 9 مئی کے 3 مقدمات میں عمر ایوب کی عبوری ضمانت منظور کرلی۔
قومی اسمبلی میں اپوزیشن لیڈر عمر ایوب 9 مئی واقعات سے متعلق انسداد دہشت گردی سرگودھا کی خصوصی عدالت میں پیش ہوئے جبکہ انکی جانب سے بابر اعوان ایڈووکیٹ عدالت میں پیش ہوئے۔
عدالت نے 9 مئی واقعہ تھانہ سٹی میانوالی میں درج 3 مقدمات میں عمر ایوب کی عبوری ضمانت منظور کی اور کہا کہ آئندہ 25 اپریل کو دوبارہ عدالت میں پیش ہوں گے۔
انسداد دہشت گردی خصوصی عدالت نے میانوالی پولیس کو آئندہ تاریخ پر مقدمات کا ریکارڈ عدالت میں پیش کرنے کا حکم دے دیا ۔
علاوہ ازیں عدالت نے پی ٹی آئی رہنما عمر ایوب کو تذکرہ مقدمات میں شامل تفتیش ہونے کا بھی حکم دے دیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News