9 مئی واقعات؛ بانی پی ٹی آئی کی 3 مقدمات میں عبوری ضمانت میں توسیع

عبدالرحمان

04th Apr, 2024. 12:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

9 مئی واقعات؛ بانی پی ٹی آئی کی 3 مقدمات میں عبوری ضمانت میں توسیع

لاہور: انسداد دہشت گردی عدالت نے 9 مئی کے تین مقدمات میں بانی پی ٹی آئی کی عبوری ضمانت میں توسیع کردی۔

انسداد دہشت گردی عدالت کے ڈیوٹی جج ارشد جاوید نے جناح ہاؤس حملہ، عسکری ٹاور حملہ اور تھانہ شادمان نزر آتش کرنے کے مقدمات میں بانی پی ٹی آئی کی عبوری ضمانتوں پر سماعت کی۔

دوران سماعت عدالت نے ملزم کی اڈیالہ جیل سے ویڈیو لنک پر حاضری مکمل کرانے کا حکم دیا اور بانی پی ٹی آئی کے وکیل بیرسٹر سلمان صفدر سے دلائل طلب کر لیے۔

سابق وزیراعظم کی وکلاء ٹیم نے عدالت سے استدعا کی کہ سینیئر وکیل بیرسٹر سلمان صفدر مصروف ہیں مہلت دی جائے۔

عدالت نے بانی پی ٹی آئی کی تین مقدمات میں عبوری ضمانت میں 16 اپریل تک توسیع کر دی۔

واضح رہے کہ چار مقدمات میں بانی پی ٹی آئی کی حاضری کے بغیر میرٹ پر فیصلہ ہو چکا ہے، تاہم کورٹ نمبر 3 نے چار مقدمات میں ملزم کی عبوری ضمانتیں کنفرم کی تھیں۔