اسحاق ڈار کی بطور نائب وزیراعظم تقرری کیخلاف درخواست پر سماعت ملتوی

عبدالحسیب خان

20th Sep, 2024. 10:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسحاق ڈار کی بطور نائب وزیراعظم تقرری کیخلاف درخواست پر سماعت ملتوی

کراچی: سندھ ہائیکورٹ نے وزیر خارجہ اسحاق ڈار کی بطور نائب وزیراعظم تقرری کیخلاف درخواست پر سماعت ملتوی کردی۔

وزیر خارجہ اسحاق ڈار کی بطور ڈپٹی وزیر اعظم تقرری کے خلاف درخواست پر سماعت سندھ ہائی کورٹ میں ہوئی۔

دوران سماعت درخواست گزار کے وکیل طارق منصور ایڈووکیٹ نے اپنے مؤقف میں کہا کہ عدالت کے حکم کے مطابق اسحاق ڈار کو درخواست میں فریق بنا رہے ہیں، اسحاق ڈار کو نوٹس جاری کرکے جواب طلب کیا جائے۔

عدالت نے استفسار کیا کہ پرویز الہیٰ کی بطور ڈپٹی وزیر اعظم تقرری کا نوٹیفکیشن اور اسکے خلاف عدالتی فیصلہ کہاں ہے؟ جس پر وکیل نے بتایا کہ کابینہ ڈویژن کو گزٹ نوٹیفکیشن کے لئے لکھا ہے، دستاویز ملتے ہی عدالت میں پیش کردی جائے گی۔

چیف جسٹس نے ریمارکس دیے کہ دستاویز سے قبل عدالت نوٹس جاری نہیں کرے گی، پہلے عدالت کو مطمئن کریں پھر آگے کارروائی بڑھائیں گے۔

بعدازاں عدالت نے درخواست کی مزید سماعت دو ہفتوں کے لئے ملتوی کردی۔