پاک بحریہ کی لاپتہ ماہی گیروں کی تلاش کیلئے جاری ریسکیو آپریشن میں بڑی کامیابی

ویب ڈیسک

11th Mar, 2024. 04:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک بحریہ کی لاپتہ ماہی گیروں کی تلاش کیلئے جاری ریسکیو آپریشن میں بڑی کامیابی

پاک بحریہ اور پاکستان میری ٹائم سیکیورٹی ایجنسی نے لاپتہ ماہی گیروں کی تلاش کے لیے جاری ریسکیو آپریشن میں بڑی کامیابی حاصل کرلی۔

ترجمان پاک بحریہ کے مطابق پاک بحریہ اور پاکستان میری ٹائم سیکیورٹی ایجنسی نے 10 لاپتہ ماہی گیروں کے جسد خاکی کھلے سمندر سے نکال لیے۔

پاک بحریہ کے ترجمان نے بتایا کہ لاپتہ ماہی گیروں کی کشتی 5 مارچ کو کھلے سمندر میں ہجامڑو کریک کے قریب حادثے کا شکار ہوگئی تھی۔

ترجمان کا کہنا تھا کہ پاک بحریہ اور پی ایم ایس اے کے ہوائی جہاز، ہیلی کاپٹرز، بحری جہازوں اور اسپیڈ بوٹس کے ذریعے 5 مارچ سے ریسکیو آپریشن جاری ہے۔

ترجمان پاک بحریہ کے مطابق پی ایم ایس ایس رحمت نے اب تک دس لاپتہ ماہی گیروں کے جسد خاکی ڈھونڈ نکالے، ملنے والے دس ماہی گیروں کے جسد خاکی سول حکام کے حوالے کردیے گئے۔

پاک بحریہ کے ترجمان نے مزید کہا کہ پاک بحریہ اور پی ایم ایس اے کا مشترکہ سرچ آپریشن بقیہ چار ماہی گیروں کے ملنے تک جاری رہے گا۔