حکومت سندھ نے تمام سرکاری و نجی تعلیمی ادارے 30 مئی تک بند کرنے کا فیصلہ کیا ہے۔

تفصیلات کے مطابق وزیرِ تعلیم سندھ سعید غنی  نے سماجی رابطے کی ویب سائٹ ٹویٹر اپنے ایک پیغام میں کہا کہ سندھ کابینہ کے ہونے والے ہنگامی اجلاس میں فیصلہ کیا گیا ہے کہ صوبے بھر کر تعلیمی ادارے 30 مئی تک موسم گرما کی تعطیلات کیلئے بند رہیں گے۔

12 مارچ 2020
سندھ کابینہ کے ہونے والے ہنگامی اجلاس میں فیصلہ کیا گیا ہے کہ صوبے بھر کر تعلیمی ادارے 30 مئی تک موسم گرما کی تعطیلات کیلئے بند رہیں گے۔ نویں اور دسویں جماعت کے 16 مارچ سے شروع ہونے والے امتحانات منسوخ کردیئے گئے ہیں ۔

Advertisement

— Senator Saeed Ghani (@SaeedGhani1) March 12, 2020

اپنے پیغام میں سعید غنی  نے یہ بھی کہا کہ  نویں اور دسویں جماعت کے 16 مارچ سے شروع ہونے والے امتحانات منسوخ کردیئے گئے ہیں۔

وزیرِ تعلیم سندھ سعید غنی  نے مزید کہا کہ تعلیمی ادارے گرمیوں کی تعطیلات کے بعد یکم جون 2020 کو دوبارہ کھلیں گے۔

تعلیمیادارے گرمیوں کی تعطیلات کے بعد یکم جون 2020 کو دوبارہ کھلیں گے۔ https://t.co/38zkQzWsou

Advertisement

— Senator Saeed Ghani (@SaeedGhani1) March 12, 2020

یاد رہے اس سے قبل کورونا وائرس کے پیش نظر محکمہ صحت سندھ کی جانب سے مزید 1 ماہ کے لیے تعلیمی ادارے بند رکھنے کی تجویز پیش کر دی گئی تھی ۔

کراچی میں اسکول پیر سے کھلیں گے یا نہیں؟ فیصلہ آج ہوگا

واضح رہے اس سے قبل حیدرآباد میں میڈیا سے بات چیت کرتے ہوئے سعید غنی نے کہا تھا کہ کورونا وائرس کے مسئلے کے پیدا ہونے کے بعد سے احتیاطی طور پر اسکول بند تھے لیکن اب اسکول 16مارچ سے کھل جائیں گے کیونکہ اس حوالے اجلاس ہوچکے ہیں۔

انہوں نے کہا تھا کہ گذشتہ اجلاسوں میں ممبرز کی اکثریت کی رائے تھی کہ اسکول کھول دینے چاہیں جبکہ وزیراعلی سندھ نے جو اجلاس کیا اس میں بھی تمام ایکسپرٹس نے موقف دیا تھا کہ اسکول کھولے جاسکتے ہیں لیکن ٹاسک فورس کی میٹنگ میں ابھی فیصلہ نہیں ہوا کہ اسکول کھولنے ہیں یا نہیں۔