وزیراعظم عمران خان نے کہا ہے کہ نوجوانوں کو تعلیم کے حصول میں آسانیاں فراہم کی جائیں۔

وزیرِ اعظم عمران خان کی زیر صدارت اعلیٰ سطحی اجلاس ہوا ہے جس میں ملک بھر میں انٹرنیٹ کی وسیع اور بہتر کوریج کو  یقینی بنانے اور ٹیلی کام شعبے سے متعلقہ ایشوز پر غور کیا گیا ہے۔

اجلاس میں وزیراعظم کا کہنا تھا کہ تعلیم جیسے ترجیحاتی شعبے کو یو ایس ایف کے دائرہ کار میں شامل کرنے کے لئے تمام ضروری اقدامات کو تیز کیا جائے۔

عمران خان نے اجلاس میں پابند کیا ہے کہ نوجوانوں تک انٹرنیٹ کی آسان رسائی، سستے پیکیجز کی فراہمی  اور ٹیلی کام سیکٹر سے متعلقہ ایشوز کو اقتصادی رابطہ کمیٹی میں زیر غور لایا جائے اور آئندہ دو ہفتوں میں اس حوالے سے فیصلے کیے جائیں۔

اجلاس میں ملک میں انٹرنیٹ کی وسیع اور بہتر کوریج کو یقینی بنانے سے متعلق امور زیر غور کیا گیا ہے جبکہ ٹیلی کام سیکٹر  کے حوالے سے متعلقہ  ایشوزکے حل کے حوالے  سے بھی تبادلہ خیال کیا گیا ہے۔

طالب علموں تک انٹرنیٹ کی آسان رسائی اور سستے پیکیج کی فراہمی کے حوالے سے بھی اقدامات کا جائزہ بھی لیا گیا ہے اور ملک کے پس ماندہ علاقوں میں یونیورسل سروس فنڈ کے مختلف منصوبوں پر بھی تبادلہ خیال کیا گیا ہے۔

واضح رہے کہ اجلاس میں وزیرِ اعظم نے تعلیم کے فروغ کے حوالے سے ٹیلی سکولنگ اور انٹرنیٹ کے ذریعے تعلیم کی فراہمی  کے اقدامات کو سراہا گیا ہے۔

یاد رہے کہ اجلاس میں شفقت محمود، حماد اظہر، امین الحق، اسد عمر، ڈاکٹر عبدالحفیظ شیخ،  تانیہ ایدرس، سیکرٹری انفارمیش ٹیکنالوجی ڈویژن بھی شریک ہوئے ہیں۔

اجلاس کے دوران چئیرمین پی ٹی اے ، سی ای او یونیورسل سروس فنڈ و دیگر حکام بھی شریک ہوئے ہیں۔