خیبرپختونخوا کے ضلع کرک کے رہائشی اور جمناسٹک کھلاڑی مشہود ہالی ووڈ فلم ’دی کیور‘ میں مرکزی کردار ادا کرتے دکھائیں دیں گے۔

فلم ’دی کیور‘کا پہلے ٹیزر نے منظرِعام پر آتے ہی مداحوں میں تجسس کو بڑھا دیا ہے۔

خیبرپختونخوا سے تعلق رکھنے والے مشہود کی قسمت نے اُن کا بھر پور ساتھ دیا اور اب وہ بہت جلد دنیا کی سب سے بڑی ہالی ووڈ انڈسٹری کے ساتھ کام کرتے دکھائیں دیں گے۔

ہالی وڈ کی ایکشن تھرلر شارٹ فلم ’دی کیور‘ میں مشہود نے مرکزی کردار ادا کیا ہے جس میں وہ دنیا کو خطرناک وائرس پھیلانے والے گینگ سے بچاتے ہوئے نظر آئیں گے۔

فلم’دی کیور‘ ایکشن سے بھر پور فلم ہے جو رواں سال منظرِ عام پر آئے گی۔

فلم کی ہدایتکاری کے فرائض احمیت اتالے نے سر انجام دیے ہیں جبکہ فلم کی مرکزی کاسٹ میں مشہود کے ساتھ ساتھ گلین بیگرلے شامل ہیں۔

مشہود کا ہالی ووڈ فلموں میں کام کرنے کے حوالے سے کہنا تھا کہ کہ ہالی ووڈ فلموں میں ولن کا کردار پسند ہے اور وہ فلموں میں ولن کا کردار کرنے کے خواہشمند ہیں۔

مشہود نے پاکستانی فلم انڈسٹری کے بارے میں اپنی رائے دیتے ہوئے کہا کہ پاکستانی فلمیں اچھی ہیں اور بہت اچھا کام بھی کر رہی ہیں۔

پاکستانی فلموں میں کام کرنے کہ حوالے سے مشہود کا کہنا تھا کہ میں پاکستانی فلموں میں کام کرنے کی خوائش رکھتا ہوں ان کا مزید کہنا تھا کہ میں نہ صرف کام کرنے کیلئے تیارہوں بلکہ ہدایتکاری کی پیشکش کی گئی تو فلموں میں کچھ نیا لانے کی بھی کوشش کروں گا۔