خیبرپختونخوا کے ضلع کرک کے رہائشی اور جمناسٹک کھلاڑی مشہود  عالم کا ہالی ووڈ فلم ’دی کیور‘ میں مرکزی کردار ادا کرنے کا دعوی ٰجھوٹا نکلا۔

حال ہی میں سوشل میڈیا پر مشہود  عالم نے بتایا تھا کے وہ جلد بڑے پردے پر ہالی ووڈ ’فلم دی کیور ‘میں مرکزی کردار ادا کرتے نظر  آئیں گےلیکن معاملے کی تصدیق کے بعد یہ بات جھوٹ ثابت ہو گئی۔

ہالی ووڈ فلم ’دی کیور ‘کے ڈائریکٹر نے خیبرپختونخوا سے تعلق رکھنے والے نوجوان  کا پول کھول دیا ۔

ایک امریکی نشریاتی ادارے کی رپورٹ کے مطابق ایچ بی او کی ایکشن سیریز میں نوجوان کی شمولیت کے حوالے سے تحقیقات کی لیکن کسی بھی ذریعے سے شہود کی ہالی ووڈ فلم میں کام کی تصدیق نہ ہوسکی۔

رپورٹ کے مطابق   شہود عالم  نےپارکر گیمز میں مہارت رکھنے پر دوستوں کے ساتھ شارٹ فلم بنائی۔ فلم کا نام اور کہانی 2014 میں ریلیز ہونے والی فلم “دی کیور” سے چوری کرنے کا انکشاف بھی ہوا ہے۔

واضح رہے کہ اس سے قبل مشہود نے پاکستانی فلم انڈسٹری میں کام کرنے کی بھی خوائش ظاہر کی تھی اور ساتھ یہ بھی کہا تھا کے ہدایت کاری کا موقع ملا تو فلم انڈسٹری میں بہتری لانے کی بھر پور کوشش کروں گا ۔

دوسری جانب معاملے کی تحقیقات کرنے پر پاکستانی نوجوان مشہود عالم برا مان گئے۔