دنیا کا مقبول ترین ہالی ووڈ ڈرامہ’گیم آف تھرونز‘ جس ہوٹل میں شو ٹ کیا گیا اُس ہوٹل کو فروخت کےلیے پیش کردیا ہے۔

تفصیلات  کے مطابق ہالی ووڈ ڈرامہ’گیم آف تھرونز‘ جس ہوٹل میں شو ٹ کیا گیا تھا وہ یورپی ملک کروشیا میں واقع ہے  جو چھ کمروں پر مشتمل ہے۔

ہالی ووڈ ڈرامہ’گیم آف تھرونز‘ کے ہوٹل کو محض 15 لاکھ پائونڈ میں فروخت کےلیے پیش کردیا گیا ہے۔

اس ہوٹل کو بڑے بڑے پتھروں سے تیار کیا گیا ہے اور خٓص بات یہ کہ اس میں چھ تیار شدہ اسٹوڈیو اپارٹمنٹس بھی ہیں جسے خریدنے والا مستقبل میں کرائے پر بھی دے سکتا ہے۔

یاد رہے کہ اس ہوٹل میں مشہور ہالی وو ڈرامہ ’گیمز آف تھرونز‘ کی فلمبندی کی گئی تھی۔

واضح رہے کہ اگر کسی مداح کو مشہور لوریرجینک قلعے کا دورہ کرنا ہے اور فلم سیریز میں بادشاہ کے اترنے کی جگہ دیکھنے کی خوائش ہے تو انہیں 240 اسکوائر میٹر کی اس پراپرٹی کے اگلے دروازے کو دیکھنا ہوگا۔

اس سے قبل شہر آفاق ٹی وی سیریز گیم آف تھرونز نے 2019 کے بہترین ڈرامہ سیریز کا ایمی ایوارڈ اپنے نام کر لیا تھا۔

گیم آف تھرونز میں برہنہ مناظرشوٹ کرنےپرمجبورکیاگیا

سیریز کا آخری سیزن شائیقن کوگذشتہ 7 سلسلوں کے مقابلے میں زیادہ متاثر کرنے میں ناکام رہا تھا۔ تاہم گیم آف تھرونز نے تنقید کے باوجود بہترین ڈرامہ سیریز کا ایمی ایوارڈ جیتا۔

ڈرامے کی تیسری قسط ’’ دی لانگ نائٹ ‘‘ ڈرامہ سیریز کی تاریخ کی سب سے زیادہ دیکھے جانے والی قسط تصور کی جاتی ہے تاہم یہ شائقین کو زیادہ متاثر کرنے میں ناکام رہی اور سماجی رابطے کی مختلف ویب سائٹس پر دنیا بھر سے 10 لاکھ سے زائد مداحوں نے اس قسط کو دوبارہ بنانے کے لئے آن لائن درخواستیں دائر کی۔

اس ڈرامے کے  مصنف جارج آر آر مارٹن کے ’اے سانگ آف آئس اینڈ فائر‘ نامی ناول پر مبنی کہانی ہے۔ لیکن ٹیلی ویژن کی ضروریات کو مدنظر رکھتے ہوئے کچھ تبدیلیاں بھی کی گئیں۔

اس کا شمار مقبول ترین ڈرامہ سیریز میں ہوتا ہے جس کے دنیا بھر میں کروڑوں مداح موجود ہیں۔

اس ڈرامے نے اب تک 47 ایمی ایوارڈز جیتے ہیں جو کسی بھی ڈرامے کی جانب سے جیتے جانے والے سب سے زیادہ ایوارڈز ہیں۔