آسکرایوارڈ یافتہ بین الاقوامی شہرت کے حامل بھارتی گلوکاروموسیقار اے آر رحمٰن کی بیٹی خدیجہ رحمٰن نے برقعے پر تنقید کرنے والی بنگلادیشی رائٹر تسلیمہ نسرین کو سوشل میڈیا پرکرارا جواب دے دیا۔

تفصیلات کے مطابق بنگلادیشی رائٹر تسلیمہ نسرین نے سماجی رابطے کی ویب سائٹ انسٹاگرام پر اے آر رحمٰن کی بیٹی کی ایک تصویر شیئر کی ،جس میں اُنہوں نے معمول کے مطابق برقع اور حجاب پہنا ہوا ہے۔

بنگلادیشی رائٹر کا کہنا تھا کہ ’مجھے اے آر رحمٰن کی گلوکاری پسند ہے لیکن میں جب بھی اُن کی بیٹی کو دیکھتی ہوں تو میرا دم گُھٹنے لگتا ہے،یہ بہت افسوس کی بات ہے کہ ایک ثقافتی گھرانے میں پرورش پانے والی لڑکی کا بھی آسانی سے برین واش ہوسکتا ہے۔

https://www.instagram.com/p/B8jzyv4lKTT/?utm_source=ig_embed

خدیجہ رحمٰن نے بنگلادیشی رائٹر کی پوسٹ پر اپنا مو قف سناتے ہوئے جواب دیا کہ بھارت میں اِس وقت بہت کچھ ہورہا ہے لیکن سب لوگ اِس بات کے لیے فکر مند ہیں کہ عورت کو کیا لباس پہننا چاہیے اور یہ دیکھ کر میں بہت حیران ہوتی ہوں۔

 اے آر رحمٰن کی صاحبزادی نے لکھا کہ میں جب بار بار یہ موضوع سُنتی ہوں تو میرے اندر ایک آگ بھڑک اُٹھتی ہے،میں بہت ساری باتیں کہنا چاہتی ہوں گزشتہ ایک سال میں مجھے اپنا جو ایک مختلف وژن ملا ہے وہ اِس سے پہلے کبھی نہیں ملا تھا۔

خدیجہ رحمٰن نے مزید لکھا کہ میں کمزور نہیں ہوں اور نا ہی میں اپنی اِس زندگی کے اتنتخاب پر مایوس ہوں بلکہ میں بہت خوش ہوں اور مجھے برقع اور حجاب پہننے پر فخر ہے۔

Ban the Burqa, and Let Women ‘Breathe’ https://t.co/m2n04ijitN

— taslima nasreen (@taslimanasreen) February 16, 2020