بالی وڈ کی معروف اداکارہ جیکولین نے انڈسٹری کی جھوٹی حقیقت کو مداحوں کے سامنے پیش کر دیا۔
تفصیلات کے مطابق جیکولین فرنینڈس نے بالی وڈ انڈسٹری کی چمک کے پیچھے چھپے اندھیرے کے بارے میں مداحوں کو بتایا۔
جیکولین نے کہا کہ بالی وڈ انڈسٹری کی کامیاب اداکاروں کے پیچھے عموماً اس انڈسٹری کی جانب سے دی جانے والی مشکلا ت کا انبار چھپا ہوتا ہے۔
جیکولین نے کہا کہ جب میں انڈسٹری میں آئی تھی تو مجھے سب سے پہلے اپنے نام کے حوالے سے مشکلات کا سامنا کرنا پڑا تھا۔
اداکارہ نے مزید اس حوالے سے بات کرتے ہوئے بتایا کہ میرے نام کےحوالے سے بالی وڈ انڈسٹری کی جانب سے کہا جاتا تھا کہ میں اپنا نام تبدیل کر لوں اور مسکان رکھ لوں کیونکہ ان کا نام مغربی ہے۔
اداکارہ جیکولین نے بتایا کہ جب اس انڈسٹری میں آئی تو نہیں جانتی تھی کہ کیسے کام کرنا ہے اور کیسے نہیں لیکن اتنا جانتی تھی کے مجھے کچھ بننا ہے اور کامیاب ہونا ہے۔
جیکولین نے کہا خود کو ثابت کرنے اور کامیابی حاصل کرنے کی سوچ نے ہر بات ہنس کے ٹال دینے کی ہمت دی۔
اداکارہ جیکولین نے بالی وڈ کے بارے میں ایک بڑا انکشاف یہ بھی کیا کہ انڈسٹری میں نام کے تبدیل کرنے کے ساتھ ساتھ باڈی شیمنگ کے حوالے سے بھی سامنا کرنا پڑا ہے۔
انہوں نے بتایا کہ باڈی شیمنگ میں ان کے ناک کو ناپسند قرار دیتے ہوئے مزاق بنایا جا تا تھا کہ کیا ناک سے کون کام کروائے گا اور ساتھ یہ بھی مشورہ دیا جاتا کہ ناک کی سرجری کروائے۔
واضح رہے کہ اداکارہ نے بالی وڈ کی جانب سے دیے جانے والے کسی مشورے پر عمل نہیں کیا بلکہ ناک کے حوالے سے دیے جانے والے مشورے پر کہا کہ یہ مجھے بچپن سے پسند ہے لہزا میں کچھ بھی تبدیلی نہیں کروں گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News