ایکشن اور مار دھاڑ سے بھرپور فلم ’’فاسٹ اینڈ فیوریس‘‘ کے نویں ایڈیشن کی ریلیز کی تاریخ بھی آگے منتقل کردی گئی۔

تفصیلات کے مطابق دنیا بھر میں تیزی سے  کورونا وائرس کے پھیلنے کی وجہ سے فلم  ’فاسٹ اینڈ فیوریس 9‘ کو ریلیز ہونے سے ملتوی کر دیا  گیا ہے۔

یاد رہے پوری دنیا میں تیزی سے پھیلنے والے اس وائرس نے سب کو اپنی لپیٹ میں لے لیا ہے اور اب اس وائرس سے کاروباری نظام بھی پوری دنیا میں بڑی حد تک متاثر  ہو رہے ہیں۔

خیال رہے کہ سپر پاور سمجھے جانے والے ممالک ملک بھی کورونا وائرس کی وجہ سے دیگر متاثرہ ممالک کی فہرست میں شامل ہیں۔

واضح رہے کہ  اس وائرس نے دنیا بھر کی معیشت کو متاثر کردیا ہے وہیں بین الاقوامی فلمی صنعت کو بھی اب تک پانچ ارب ڈالر کا نقصان ہوچکا ہے۔

یاد رہے کہ  یونیورسل اسٹوڈیوز نے اعلان کیا کہ کورونا وائرس کے باعث بڑے بجٹ کے ساتھ بننے والی مشہور زمانہ ہولی وڈ فلم سیریز ‘جیمز بانڈ’ کی 25 ویں فلم ٹائم ٹو ڈائے کو ریلیز کرنے موخر کر دی گئی۔

Advertisement

Advertisement

View this post on Instagram

Advertisement

Advertisement

Advertisement

AQuietPlacePart2…Take2

A post shared by John Krasinski (@johnkrasinski) on Mar 12, 2020 at 7:52am PDT

Advertisement

ہالی وڈ کی ایکشن فلم کو ریلیز صرف کورونا وائرس کی وجہ سےنہیں کیا گیا ہے۔

یاد رہے کہ فاسٹ 9 کو اس سے قبل 19 اپریل 2019 میں ریلیز کرنے کا ارادہ کیا گیا تھا۔

 تاہم یونیورسل پکچرز نے بتایا کہ رواں سال ریلیز ہونے والی فلم فاسٹ اینڈ فیوریس 9 کو اب اگلے سال 2 اپریل کو ریلیز کیا جائے گا۔

دوسری جانب ہالی وڈ اسٹوڈیو پیراماؤنٹ پکچرز نے بھی اپنی تھرلر ہارر فلم ‘اے کوائٹ پلیس 2’ کی ریلیز کورونا وائرس کے باعث منسوخ کرنے کا اعلان کردیا۔

فلم ‘اے کوائٹ پلیس 2’ کے ہدایت کار نے سماجی رابطے کی ویب سائٹ انسٹا گرام پر بتایا ہے کہ یہ فلم 18 مارچ کو ریلیز ہونے والی تھی لیکن اب اس فلم کو اس تاریخ پر ریلیزنہیں کیا جائے گا۔

اس فلم کی کہانی ایک ایسے خاندان کی ہے جو تمام انسانوں کے خاتمے کے بعد اپنی بقاءکے لیے جدوجہد کررہی ہوتی ہے۔

فلم میں بظاہر کوئی ایسی مخلوق دکھائی گئی تھی جو ہر زندہ شے کا شکار آوازوں پر کرتی ہے اور یہی وجہ ہے کہ فلم میں بچ جانے والا خاندان مکمل خاموشی سے زندگی گزار رہا ہوتا ہے جبکہ اپنے تحفظ کے لیے ہر وقت خوفزدہ رہتا ہے۔

اس سے قبل ’کورونا وائرس‘ کے پیش نظر چین میں فلموں کی نمائش منسوخ کرکے 70 ہزار سینما گھروں کو بند کردیا گیا تھا۔

کورونا وائرس سے 70 ہزار سینما گھر بھی متاثر

اس وجہ سے فلم انڈسٹری کو 2 ارب امریکی ڈالر یعنی پاکستانی تقریبا 3 کھرب روپے کا نقصان ہوا ہے۔

یاد رہے کہ کورونا وائرس دسمبر میں سب سے پہلے چین کے شہر ووہان میں پھیلنا شروع ہوا تھا اور اب تک 107 ممالک میں اس سے ایک لاکھ 17 ہزار سے زائد افراد متاثر جبکہ 4251 ہلاک ہوچکے ہیں، مگر 65 ہزار سے زائد صحت یاب بھی ہوچکے ہیں۔

واضح رہے کہ کورونا وائرس کی وجہ سے جہاں فلم انڈسٹری اور سینیما گھروں کو نقصان کا سامنا کرنا پڑا  وہی بہت سے موسیقاروں نے بھی اپنے میوزیکل شوز کو منسوخ کیا۔