Synopsis
اداکارہ میرا نے وزیر اعظم کے آگے ہاتھ جوڑ لیے
نیویارک میں پھنسی اداکارہ میرا کی ہاتھ جوڑ کر وزیراعظم عمران خان سے مدد کی اپیل کر دی۔
تفصیلات کے مطابق نیویارک میں پھنسی اداکارہ میرا نے اپنے ایک ویڈیو پیغام میں کہا کہ بیرن ملک اس طرح کے حالات میں نہیں بلکہ پاکستان آکر اپنے ملک میں مرنا چاہتی ہوں۔
اپنے پیغام میں اداکارہ میرا نے کہا کہ یہاں روزانہ ہزاروں لوگ مر رہے ہیں، نیویارک قبرستان میں تبدیل ہورہا ہے۔
اداکارہ میرا نے یہ بھی کہا کہ نیویارک میں رات کے دو بج رہے ہیں اور میں ہوٹل کے کمرے میں قید ہوں، میرے پاس رقم ختم ہوچکی اور گذارہ مشکل ہوگیا ہے ۔
اپنے پیغام میں اداکارہ میرا کا کہنا تھا کہ ہمایوں سعید اور دیگر فنکاروں کے ساتھ شوٹنگ کیلئے امریکا آئی تھی، تمام ساتھی فنکار واپس جاچکے، میں اکیلی یہاں پھنس گئی ہوں۔
اداکارہ میرا کا مزید کہنا تھا کہ عمران خان نے ہمیشہ فنکاروں کی حوصلہ افزائی کی ہے،دنیا بھر کے ممالک اپنے شہریوں کو وطن واپس لے جارہے ہیں اور میں آب سے ہاتھ جوڑ کر التجا کرتی ہوں کہ میری وطن واپسی کے انتظامات کئے جائیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News