ٹک ٹاکر پر والد اور بھائی نے تھپڑوں کی بارش کردی، ویڈیو منظر عام پر آگئی

عروبہ خانویب ایڈیٹر

02nd Aug, 2021. 01:34 pm

ٹک ٹاک ویڈیوز بنانے کا شوق انسان سے کیا کچھ نہیں کرواتا ہے جو بعض اوقات شرمندگی کا باعث بھی بنتا ہے اور شاید جانلیوا بھی ثابت ہوسکتا ہے۔

حال ہی میں بھارت کے ایک شہر سے ایک ٹک ٹاکر کی ویڈیو سامنے آئی ہے جو کہ سوشل میڈیا پر کافی تیزی سے وائرل ہورہی ہے۔

مذکورہ ویڈیو میں دیکھا جاسکتا ہے کہ ایک ٹک ٹاکر کی پٹائی کی جارہی ہے۔

ٹک ٹاکر کی پٹائی کرنے والے اور کوئی نہیں بلکہ ان کے اپنے والد صاحب او بڑے بھائی ہی ہیں۔

اس ویڈیو میں دیکھا جاسکتا ہے کہ کیسے ٹاک ٹاکڑ صرف اپنی ویڈیو بنانے کی خاطر ایک خطرناک جگہ سے پیدل چل کر دریا پار کر رہے ہیں۔

ویڈیو میں دیکھا جاسکتا ہے کہ دریا پار کرنے پر ٹک ٹاکر کے بھائی نے ان کا گرم جوشی سے استقبال کرتے ہوئے ان کی پٹائی شروع کردی ۔

خیال رہے کہ ٹک ٹاک ویڈیوز بنانے اور مشہور ہونے کا شوق صرف عام لوگوں تک محدود نہیں رہا ہے بلکہ اب  اداکار بھی اس ٹرینڈ کے دیوانے نظر آتے ہیں۔

لیکن اس ٹک ٹاک پر ویڈیوز بنانے کے لئے خطرناک طریقوں کے استعمال سے اب تک بہت سے لوگ اپنی جان گنوا بیٹھے ہیں۔

Adsence 300X250