بالی ووڈ کی ہر دلعزیز اداکارہ کرینہ کپور کو ممبئی کے ایئرپورٹ پر سیکیورٹی اہلکار کی جانب سے روکنے کی ویڈیو سوشل میڈیا پر وائرل ہوگئی ہے۔
کرینہ کپور کو اپنے شوہر اداکار سیف علی خان اور دو بیٹوں کے ہمراہ ممبئی ایئرپورٹ پر دیکھا گیا۔
ویڈیو میں دیکھا جاسکتا ہے کہ سیف علی خان پاسپورٹ اور ٹکٹ دکھا کر بیٹے تیمور علی خان کے ہمراہ ایئرپورٹ میں داخل ہوگئے جبکہ کرینہ کپور کو سینٹرل انڈسٹریل سیکیورٹی فورس (سی آئی ایس ایف) کے اہلکاروں نے کچھ دیر کے لئے روک لیا۔
اہلکاروں نے اداکارہ کے پاسپورٹ اور ٹکٹ کا تفصیلی جائزہ لینے کے بعد ہی انہیں اپنے چھوٹے بیٹے جہانگیر علی خان کے ہمراہ ایئرپورٹ میں داخلے کی اجازت دی۔
صارفین کی جانب سے سماجی رابطوں کی ویب سائٹس پر یونیفارم میں ملبوس افسر کی جانب سے اپنے فرائض کی ادائیگی کے طریقے کار کو پسند کیا جا رہا ہے۔
دوسری جانب کرینہ کپور کو ایئرپورٹ پر روکنے والا سیکیورٹی آفیسر ہیرو بن گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News