بھارت کی معروف اداکارہ کترینہ کیف کی اداکار وکی کوشل کے ساتھ شادی کی خبریں گردش میں ہیں اور ممکنہ طور پر اگلے ماہ یہ دونوں شادی کے بندھن میں بندھ جائیں گے۔
اس حوالے سے بھارتی میڈیا پہلے بھی بہت سے انکشافات کرچکا ہے جس میں کترینہ اور وکی کی شادی کی تاریخ، رسومات، ہنی مون کے حوالے سے باتیں شامل ہیں۔
لیکن اس بار ایک اور بڑا انکشاف کیا گیا ہے جس میں شادی کے بعد کترینہ کا نام بدلنے کے حوالے سے بات کی گئی ہے۔
بھارتی میڈیا نے دعویٰ کیا ہے کہ اداکارہ کترینہ کیف، وکی کوشل سے شادی کرنے کے بعد اپنا نام تبدیل کرلیں گی۔
اس حوالے سے بات کرتے ہوئے بتایا گیا ہے کہ کترینہ کی نئی آنے والی فلم ’ٹائیگر 3‘کے سیٹ پر ایک میٹنگ کے دوران انہیں مذاق میں ’KKK‘ یعنی کترینہ کیف کوشل کہہ کر متعارف کروایا گیا۔
تاہم، اس فیصلے کا انحصار کترینہ کیف پر ہے کہ وہ شادی کے بعد اپنا نام تبدیل کرتی ہیں یا نہیں، اگر وہ اپنا نام تبدیل کریں گی تو فلم ’ٹائیگر 3‘ کا کریڈیٹ دیتے ہوئے اداکارہ کا نام تبدیل کردیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News