بھارتی بزنس مین اور اداکارہ شلپا شیٹی کے شوہر راج کندرا نے خود پر لگے الزام سے متعلق اہم انکشاف کردیا۔
بھارتی میڈیا رپورٹ کے مطابق راج کندرا نے فحش فلموں کی تیاری اور تقسم میں ملوث ہونے سے انکار کیا اور کہا کہ مجھے میڈیا ٹرائل کے ذریعے مجرم ثابت کرنے کی کوشش کی گئی ہے۔
راج کندرا نے کہا کہ میں نے زندگی میں کبھی فحش فلم نہیں بنائی اور نہ ہی تقسیم میں شامل رہا ہوں، فحش ویڈیو کا کیس مجھے بدنام کرنے کی مہم کے سوا کچھ نہیں ہے ،مجھے میڈیا پہلے ہی مجرم کہہ چکا ہے لیکن میں شرم سے منہ نہیں چھپاؤں گا۔
معروف بزنس مین کا کہنا تھا کہ اس عمل سے ہمارے خاندانی، انسانی اور آئینی حقوق متاثر ہوئے ہیں جو تکلیف دہ ہے۔
اُن کا کہنا تھا کہ ٹرولنگ، منفی اور عوام کا زہریلا تاثر بہت کمزور ہے، میڈیا ٹرائل میں میری ذاتی زندگی میں دخل اندازی نہ کی جائے کیونکہ میرا خاندان میری پہلی ترجیح ہے، میرا یقین ہے کہ عزت کے ساتھ جینا ہر فرد کا حق ہے۔
انہوں نے کہا کہ یہ معاملہ عدالت میں زیر سماعت ہے، اس لئے مزید کچھ نہیں کہہ سکتا، مقدمے کا سامنا کروں گا اور مجھے عدلیہ پر مکمل بھروسہ ہے جہاں سچ کی فتح ہوگی۔
واضح رہے کہ راج کندرا کو جولائی میں ممبئی پولیس نے گرفتار کیا تھا اور وہ ستمبر سے ضمانت پر رہا ہیں جبکہ سپریم کورٹ نے انہیں گزشتہ ہفتے فحش ویڈیو کیس میں گرفتاری سے تحفظ فراہم کیا ہے۔
بھارتی بزنس مین پر انڈین پینل کوڈ، انفارمیشن ایکٹ، خواتین کی غیراخلاقی تشہیر کی روک تھام ایکٹ سمیت دیگر دفعات کے تحت مقدمہ درج ہے۔
راج کندرا کی ضمانت میں توسیع کی درخواست سیشن کورٹ نے مسترد کی تو وہ ممبئی ہائی کورٹ پہنچے اور وہاں بھی درخواست مسترد ہوئی تو وہ سپریم کورٹ سے گرفتاری سے تحفظ حاصل کرنے میں کامیاب رہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News