پاکستانی میزبان و اداکارہ نادیہ خان نے پاکستان پیپلز پارٹی (پی پی پی) کی رہنما اور رکن سندھ اسمبلی شرمیلا فاروقی کی والدہ انیسہ فاروقی کے ساتھ بنائی گئی مکمل ویڈیو شیئر کردی۔
نادیہ خان نے سوشل میڈیا سائٹ انسٹاگرام پر مکمل ویڈیو شیئر کردی جس میں اُنہیں انیسہ فاروقی سے اُن کے میک اپ اور ملبوسات کے بارے میں گفتگو کرتے ہوئے دیکھا جاسکتا ہے۔
AdvertisementAdvertisementView this post on InstagramAdvertisementAdvertisementAdvertisementAdvertisement
Advertisement
انہوں نے یہ ویڈیو شیئر کرتے ہوئے کیپشن میں لکھا کہ سب ٹائٹلز کے ساتھ مکمل ویڈیو ہے جس میں کوئی ایڈیٹنگ نہیں کی گئی۔
ادکارہ نے سوالیہ انداز میں کہا کہ کیا آپ پوری ویڈیو میں ایک بھی غیراخلاقی یا نامناسب لفظ تلاش کر سکتے ہیں؟
اس سے قبل نادیہ خان نے پاکستان پیپلز پارٹی (پی پی پی) کی رہنما اور رکن سندھ اسمبلی شرمیلا فاروقی کی غلط فہمی دور کی تھی۔
سوشل میڈیا سائٹ انسٹاگرام کے مخلتف پیجز پر ایک ویڈیو وائرل ہو گئی جس میں نادیہ خان نے شرمیلا فاروقی اور تنقید کرنے والوں کی غلط فہمی دور کی تھی۔
Advertisement
AdvertisementAdvertisementView this post on InstagramAdvertisementAdvertisementAdvertisementAdvertisement
وائرل ویڈیو میں اداکارہ کا کہنا تھا کہ ہمیں سیکھایا گیا ہے کہ آپ کسی بڑے کو ان کی تعریف کر کے اور وقت دے کر خوش کرسکتے ہیں۔
Advertisement
انہوں نے کہا کہ میں نے بھی یہ ہی کیا اب میں ان سے کیا بات کرتی؟ ان سے پرسنل باتیں کرتی ،میں نے ان سے وہ باتیں کی جو ان کو خوش کر دیتیں۔
نادیہ خان نے کہا کہ آپ خود بتائیں ہم کسی شادی پر جاتے ہیں تو اپنے سے بڑی خواتین سے کیا پوچھتے ہیں یہ ہی نہ کہ آپ کہاں سے تیار ہوئیں؟ میک اپ کس نے کیا؟ کونسے پارلر میں گئیں تھیں؟ مجھے بھی ایسا کروانا ہے تو میں نے بھی ان سے یہ ہی پوچھا۔
اداکارہ کا کہنا تھا کہ میں نے ان کی دل سے تعریف کی تھی اور وہ خواتین مجھے بہت اچھی لگتی ہیں جو ہر عمر میں اپنا خیال رکھتی ہیں۔
انہوں نے کہا کہ وہ لال جوڑے میں آئی تھیں اکیلی تھیں اتنا اچھا میک اپ تھا میں نے ان کی تعریف کی اور وہ بہت خوش ہوئی آپ لوگ سہی طرح جا کے ویڈیو دیکھیں اگر میں نے کوئی لفظ طنزیہ استعمال کیا ہو کیونکہ ان ہی چیزوں پر اختلافات ہوتے ہیں۔
گزشتہ روز پاکستان پیپلز پارٹی (پی پی پی) کی رہنما اور رکن سندھ اسمبلی شرمیلا فاروقی نے اداکارہ و ٹی وی میزبان نادیہ خان کے خلاف قانونی کارروائی کا اعلان کیا تھا۔
چند دن قبل نادیہ خان نے شرمیلا فاروقی کی والدہ کے ساتھ اداکارہ صبور علی اور علی انصاری کی شادی کے دوران ویڈیو بنائی تھی جو حال ہی میں سوشل میڈیا پر خوب وائرل ہوگئی۔
Advertisement
AdvertisementAdvertisementView this post on InstagramAdvertisementAdvertisementAdvertisementAdvertisement
وائرل ویڈیو میں نادیہ خان نے انیسہ فاروقی کے میک اپ کا مزاق بناتے ہوئے کہا تھا کہ آپ کا اتنا حسین میک اپ کس نے کیا اور اس کے ساتھ ہی ان کے کپڑے اور جیولری کی بھی طنزیہ انداز میں تعریف کی تھی۔
Advertisement
AdvertisementAdvertisementView this post on InstagramAdvertisementAdvertisementAdvertisementAdvertisement
اس ویڈیو کو دیکھ کر جہاں دیگر لوگوں نے نادیہ خان پر تنقید کی وہیں شرمیلا فاروقی نے بھی ان کے رویے پر برہمی کا اظہار کرتے ہوئے ان کے خلاف قانونی کارروائی کا اعلان کر دیا۔
Advertisement
شرمیلا فاروقی نے نجی ٹی وی چینل سے بات کرتے ہوئے نادیہ خان کے رویے کو سستی شہرت کا طریقہ قرار دیا تھا اور ان کے لئے سخت الفاظ بھی استعمال کیے۔
پیپلز پارٹی کی رہنما کا کہنا تھا کہ وہ شوبز کے لوگوں کی بہت عزت کرتی ہیں، فنکار برادری سخت محنت طلب کام کرتے ہیں مگر نادیہ خان کا رویہ ناقابل برداشت تھا کیونکہ ان کی والدہ اس وقت مشکل وقت سے گزر رہی ہیں۔
شرمیلا فاروقی کے مطابق تین ماہ قبل ہی ان کے والد انتقال کر گئے تھے اور ان کی عمر رسیدہ والدہ شوہر کی وفات کے بعد پہلی بار کسی شادی کی تقریب میں گئی تھیں مگر نادیہ خان نے ان کے ساتھ میک اپ کے معاملے پر نامناسب انداز میں ویڈیو بنائی۔
رکن سندھ اسمبلی کا کہنا تھا کہ نادیہ خان کو ایک عمر رسیدہ خاتون کے ہمراہ نامناسب انداز میں ویڈیو بنانے سے قبل کچھ شرم کرنا چاہئیے تھا۔
Advertisement
شرمیلا فاروقی نے بتایا کہ انہوں نے والدہ کے ہمراہ ویڈیو وائرل ہونے کے بعد نادیہ خان کو مسییج بھی کیا تھا جس پر میزبان نے انہیں کہا کہ انہوں نے کوئی غلط ویڈیو نہیں بنائی اور نہ ہی انہوں نے کوئی نامناسب سوال پوچھا ہے اس لئے ان کے خلاف واویلا بند کیا جائے۔
انہوں نے کہا کہ اگر میزبان ان کی والدہ کے بجائے کسی اور خاتون کے ساتھ بھی ایسی ویڈیو بناتیں تو بھی ان کے خلاف ایکشن لیتیں۔
شرمیلا فاروقی نے اعلان کیا کہ وہ نادیہ خان کے خلاف قانونی کارروائی کریں گی اور وہ وفاقی تحقیقاتی ادارے (ایف آئی اے) کے سائبر کرائم کو تحریری درخواست دیں گی جبکہ انہیں عدالت سے بھی رجوع کرنا پڑا تو بھی وہ پیچھے نہیں ہٹیں گی۔
دوسری جانب نادیہ خان کی ویڈیو وائرل ہونے کے بعد عام لوگوں نے بھی ان پر تنقید کی اور میزبان کے رویے کو نامناسب قرار دیا اور لکھا کہ وہ کون ہوتی ہیں دوسرے کے فیشن، لباس اور میک اپ پر سوال اٹھانے والی؟
نادیہ خان نے فوری طور پر لوگوں کی تنقید اور شرمیلا فاروقی کی جانب سے قانونی کارروائی کے اعلان پر کوئی رد عمل نہیں دیا۔
یاد رہے کہ نادیہ خان اور شرمیلا فاروقی کا تنازع ہر گزرتے دن کے ساتھ شدت اختیار کررہا ہے، پی پی رہنما نے جہاں میزبان کے خلاف کارروائی شروع کردی ہے تو وہیں نادیہ خان خود کو بےقصور ثابت کرنے کے لئے ہر ممکن کوشش کرتی نظر آرہی ہیں۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
