معروف پاکستانی اداکارہ اریبہ حبیب اور یشمہ گل کی واٹس ایپ چیٹ لیک ہوگئی ہے۔

ڈرامہ سیریل ’انگنا‘ میں ابیہہ کا مثبت کردار ادا کرنے والی اریبہ حبیب کی ساتھی اداکارہ یشمہ گل سے واٹس ایپ پر ہونے والی گفتگو کے اسکرین شاٹس سوشل میڈیا پر وائرل ہورہے ہیں۔

واٹس ایپ پر اریبہ نے یشما سے پوچھا کہ ” آج ان کا کیا پلان ہے، میں ڈنر پارٹی پلان کر رہی ہوں۔”

جس پر یشما نے لکھا، “واہ واہ، اتنی عزت۔”

انہوں نے اریبہ سے اپنی محبت کا اظہار کرتے ہوئے “ماں صدقے” بھی لکھا۔

اریبہ فی الحال جس ڈرامے میں ابیہہ کا کردار ادا کر رہی ہیں اس میں ان کے شوہر کا انتقال ہو جاتا ہے اور اب ان کے خاندان پر دوبارہ شادی کے لیے دباؤ ڈالا جا رہا ہے۔

ڈرامے کی کہانی ان بیٹیوں کے گرد گھومتی ہے جو دکھاتی ہیں کہ انہیں شادی کے بعد کن مسائل کا سامنا کرنا پڑتا ہے۔

اریبہ حبیب، رباب ہاشم، گل رانا، کنول خان، لائبہ خان جاوید شیخ کی بیٹیوں کا کردار ادا کر رہی ہیں۔ اس ڈرامے کو شائقین کی جانب سے سراہا جا رہا ہے۔

دوسری جانب یشما گل بھی سوشل میڈیا پر کافی متحرک رہتی ہیں اور اکثر اپنی ویڈیوز اور تصاویر سوشل میڈیا پر شیئر کرتی رہتی ہیں جسے ان کے مداحوں کی جانب سے بھی پسند کیا جاتا ہے۔

اداکارہ نے ڈرامہ سیریل ”آزمائش“ میں منفی کردار نبھایا تھا۔ ڈرامے میں ان کے ہمراہ فہد شیخ، شہود علوی، لیلیٰ واسطی، کنزہ ہاشمی، فرقان قریشی، گل رعنا ودیگر شامل تھے۔