معروف بھارتی اداکار کو عصمت دری کے کیس میں گرفتار کرلیا گیا۔
بھارتی میڈیا کی رپورٹس کے مطابق ملیالم فلم انڈسٹری کے اداکار وجے بابو کو جنسی حملے اور عصمت دری کے کیس میں کوچی سے گرفتار کرلیا گیا ہے۔
کوچی پولیس کا کہنا ہے کہ وجے بابو کے خلاف 22 اپریل کو ایک اداکارہ نے کیس دائر کیا جس میں ان پر عصمت دری کا الزام عائد کیا گیا۔
اداکارہ نے الزام عائد کیا کہ وجے بابو نے انہیں ان کی مرضی کے خلاف جنسی حملے کا نشانہ بنایا۔
کوچی پولیس کے ڈپٹی سٹی کمشنر نے اس حوالے سے بتایا کہ وجے بابو کی گرفتاری کی تصدیق کرتے ہوئے کہا ہے کہ انہیں مبینہ جائے وقوعہ لے جایا جائے گا۔
دوسری جانب ذرائع کا کہنا ہے کہ وجے بابو نے اس کیس میں کیرالا ہائی کورٹ سے پہلے ہی ضمانت لے رکھی تھی اس لیے انہیں ضمانت پر رہا کردیا جائے گا۔
ذرائع کامزید کہنا ہے کہ عدالت نے پولیس کو حکم دیا ہے کہ وجے سے 27 جون سے 3 جولائی تک تفتیش کی اجازت ہوگی تاہم وجے بابو کو ملک سے باہر جانے کی اجازت نہیں ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News