رکن قومی اسمبلی ڈاکٹر عامر لیاقت حسین اور مرحوم عمر شریف دونوں شخصیات ہی اس دنیا سے رحلت فرما گئی ہیں۔
عامر لیاقت کے انتقال کے بعد ان کے مختلف انٹرویوز سوشل میڈیا پر وائرل ہو گئے ہیں، ایک ایسا ہی انٹرویو کا کلپ ہے جس میں ان کے سامنے مرحوم عمر شریف موجود ہیں۔
عامر لیاقت نے عمر شریف سے کہا کہ عمر بھائی مجھے ایک بات پر بہت تکلیف ہوتی ہے وہ یہ کہ میں نے معین اختر صاحب کا جنازہ دیکھا اور میں خود اس میں شامل تھا، وہاں بڑے بڑے لوگ دیکھے جو کہہ رہے تھے کہ بہت اچھا آدمی تھا اور میں نے انہیں زندگی میں دیکھا جو انہوں نے معین صاحب کے ساتھ کیا۔
ڈاکٹر عامر لیاقت نے کہا کہ مجھے یہ دیکھ کر دکھ ہوتا ہے، آپ زندگی میں تو قدر نہیں کرتے لیکن جب مر جاتے ہیں کہ تو کہتے ہیں کہ میں نے ان سے بہت سیکھا۔
انہوں نے کہا کہ تو جب انسان زندہ ہو تو اس کی زندگی میں ہی کہہ دو کہ میں نے ان سے بہت کچھ سیکھا اس میں کیا شرم جیسے میں کہتا ہوں کہ میں نے عمر شریف صاحب سے بہت کچھ سیکھا اور مجھے یہ کہنے میں فخر ہے۔
واضح رہے کہ گزشتہ برس اکتوبر میں طویل علالت کے بعد عمر شریف کا جرمنی میں انتقال ہوگیا تھا جبکہ عامر لیاقت حسین 9 جون کو کراچی میں انتقال کر گئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News