پاکستان فلم و ٹی وی انڈسٹری کے معروف اداکار و میزبان یاسر حسین کی دُعا زہرا کیس سے متعلق مزاحیہ پوسٹ وائرل ہو گئی ہے۔
کراچی سے لاہور جاکر پسند کی شادی کرنے والی دُعا زہرا سے متعلق یاسر حسین نے اپنی انسٹاگرام اسٹوری میں لکھا کہ چین سمندر سے بجلی بنا رہا ہے اور پاکستان میں ایک لڑکی نے پسند کی شادی کرلی ہے جس پر پولیس کے اب تک 40 لاکھ روپے لگ چکے ہیں۔
انہوں نے لکھا کہ گزشتہ 3 ماہ سے اس بات کا فیصلہ نہیں ہورہا کہ لڑکی 15 سال کی ہے یا 17 کی۔
اداکار یاسر حسین کی یہ انسٹاگرام اسٹوری سوشل میڈیا کے مختلف پلیٹ فارمز پر تیزی سے وائرل ہوگئی ہے جہاں صارفین کی جانب سے بھی دلچسپ تبصروں کا سلسلہ جاری ہے۔
یاد رہے کہ گزشتہ دنوں دعا زہرا کی عمر کے تعین سے متعلق عدالتی حکم پر دوبارہ کروائی کی گئی تھی۔
میڈیکل بورڈ نے دعا زہرا کی نئی میڈیکل رپورٹ کراچی کی مقامی عدالت میں جمع کروائی جس میں دعا زہرا کو مائنر یعنی نابالغ لکھا گیا۔
نئی میڈیکل رپورٹ میں دعا زہرا کی عمر دانتوں کے معائنے کے مطابق 13 سے 15 سال کے درمیان ہے جبکہ ریڈیولوجیکل معائنے کے مطابق دعا زہرا کی عمر 16 سے 17 سال کے درمیان ہے۔
میڈیکل بورڈ کے اتفاقِ رائے کے مطابق دعا کی عمر 15 سے 16 سال کے درمیان ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News