بشریٰ انصاری کا سابق شوہر سے متعلق اہم انکشاف

ویب ڈیسک

13th Jul, 2022. 10:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بشریٰ انصاری کا سابق شوہر سے متعلق اہم انکشاف

پاکستان شوبز انڈسٹری کی سینئر اداکارہ بشریٰ انصاری نے اپنے سابق شوہر سے متعلق اہم انکشاف کیا ہے۔

سوشل میڈیا پر اداکارہ بشریٰ انصاری کا ایک ویڈیو کلپ وائرل ہو گیا ہے جس میں وہ اپنے سابق شوہر سے متعلق اہم انکشافات کر رہی ہیں۔

میزبان کی جانب سے بشریٰ انصاری سے سوال کیا گیا کہ جب آپ کے ہاں بچے کی پیدائش ہونے والی تھی تو کیا آپ کی گود بھرائی کی رسم ہوئی تھی؟

سوال کے جواب میں انہوں نے کہا کہ نہیں ہم نے ایسا کبھی نہیں کیا، میری والدہ کا خاندان لاہور شفٹ ہو گیا تھا، میں اور میرے شوہر اسلام آباد میں تھے۔

اداکارہ نے کہا کہ میرے شوہر ان تمام مضحکہ خیز چیزوں کو ناپسند کرتے تھے، وہ ان رسومات کو غیر اہم سمجھتے تھے۔

بشریٰ انصاری نے کہا کہ میرے شوہر نے تو کبھی مجھے ایک پھول تک نہیں دیا تھا تو پھر گود بھرائی کی رسم تو بہت دور کی بات ہے۔

یاد رہے کہ اداکارہ بشریٰ انصاری نے 1978 میں پروڈیوسر اقبال انصاری سے شادی کی تھی جن سے اُن کی 2 بیٹیاں ناریمن انصاری اور میرا انصاری ہیں۔

2019 میں انہوں نے اقبال انصاری سے طلاق لے لی تھی، جس کے بعد یہ خبریں سامنے آئی تھی کہ انہوں نے اداکار و ہدایت کار اقبال حسین سے دوسری شادی کر لی۔