پاکستان کی معروف میزبان و ماڈل متھیرا نے اداکارہ طوبیٰ انور کو آڑے ہاتھوں لے لیا۔
حال ہی میں طوبیٰ انور نے برطانوی نشریاتی ادارے کو ایک انٹرویو دیا، جس میں انہوں نے خواتین پر تشدد کے بارے میں بات کرتے ہوئے اپنا موازنہ مقتولہ نور مقدم کے ساتھ کیا۔
اداکارہ کا کہنا تھا کہ جب نور مقدم والا واقعہ سامنے آیا تو اس وقت میں بھی اپنی زندگی میں بہت تکلیف سے گزر رہی تھی، حالانکہ میں نور سے کبھی ملی نہیں لیکن میں وہ سب کچھ محسوس کرسکتی ہوں جوکہ نور کے ساتھ ہوا کیونکہ نور نے جن چیزوں کا سامنا کیا میں بھی اپنی زندگی میں ان تمام چیزوں کا سامنا کرچکی ہوں۔
طوبیٰ انور نے کہا کہ میں سب کچھ بتا تو نہیں سکتی لیکن میں نہیں جانتی کے ہمارے معاشرے میں مظلوم کو ہی قصور وار کیوں ٹہرایا جاتا ہے۔
طوبیٰ انور کا نور مقدم کے ساتھ موازنہ کرنا میزبان متھیرا کو پسند نہیں آیا اور انہوں نے اداکارہ کو آڑے ہاتھوں لے لیا۔
متھیرا نے کہا کہ عامر بھائی نے طوبیٰ کی انٹرٹینمنٹ انڈسٹری میں قدم رکھنے میں مدد کی، اس لیے لوگوں کی توجہ حاصل کرنے کے لیے طوبیٰ انور کو اس طرح کے انٹرویو دینا بند کرنے چاہئیں۔
انہوں نے لکھا کہ طوبیٰ کو اس بات کا بھی خیال رکھنا چاہئیے کہ عامر بھائی اب اس دنیا میں نہیں رہے، مرحوم لوگوں کو معاف کرنا اور ان کی عزت کرنا سیکھیں۔
متھیرا کی جانب سے اس تنقید پر طوبیٰ نے ردعمل دیا کہ میں نے متھیرا کو اپنی باتوں کی وضاحت دینے کے لیے فون بھی کیا لیکن اُنہوں نے میری کال موصول نہیں کی۔
طوبیٰ انور کا کہنا تھا کہ انٹرویو کے دوران دیے گئے میرے بیان کے ترجمے میں اس کی صحیح تشریح نہیں کی گئی۔
اداکارہ نے کہا کہ مجھ پر تنقید کرنے سے پہلے مکمل انٹرویو دیکھیں اور دوسروں کی ذاتی زندگی میں مداخلت کرنے سے پہلے سوچیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News